Shillong, Lber 08: Mynta ka sngi ka liang pyrshah hapoh ka iing dorbar thawain ka jylla Meghalaya kala thep kyrteng da u Winnerson D Sangma ban ia khun ia ka election speaker ka ban long ha ka 12 tarik mynta u bnai.
Ia ka kyrteng jongu Winnerson D Sangma la tyrwa da u bah Process T Sawkmie bad u bah Charles Pyngrope baroh ar ngut ki dei ki MLA jong ka seng Congress. Ha kane ka sngi la synran lang da u bah Kimfa S Marbaniang, u Zenith Sangma ha ka por ba ki leit ban thep ia ka nomination ha ophis jong u Commissioner bad Secretary jong ka iing dorbar thawain ka jylla.
Na ka liang jong ka seng Congress wat la ka don ha pdeng ka jingduna paid hapoh ka iing dorbar hynrei ka don ka jingkyrmen ba u kyrtong ba ka party kan pynieng na ka bynta kane ka elelction speaker ka ban long ha ka 12 tarik yn ioh ia ka jingjop la ong u Bah Process T Sawkmie MLA.
