Shillong, Iaiong 25: Naba la ju don ka jingud na ka liang ki paidbah ba don ki briew kiba pyndonkam ia ki rukom khwai doh da kaba pynbthei bom, ki dawai bih, pynap jar,tyngsong bad kiwei kiwei ki rukom khwai doh kiba pynsaja ia ki kynja kiba im hapoh ka wah Rimen.
Kine kiba iaid lyngba ki shnong; Umphniang, Um-hlew, Kalashandi, Shalai Malai, Iap Shynreh, Katraduwa, Dholai, Huru-Pukni, Joiram, Kharabri bad la iohsngew ruh ba don ka jingthang khlaw beain khlem ka jingsngewthuh bad ka jingkitkhlieh ha kitei ki shnong kiba hap hapoh ka Malai Sohmat Syiemship bad ka Bhowal Syiemship kiba don hapoh ka East Khasi Hills District.
Naba kine ki jingleh jong ki kan wanrah ia ka jingduhjait ki jingim hapoh ka um bad khyndew, ka jingjulor ka mariang bad nalor kata kan wanrah ruh ia ka jingma ia ka koit ka khiah jong u paidbah. Namarkata, katkum ka bor ba la pynkup ha nga hapoh ka kyndon ain Section 144 Cr.P.C.
Ka kong Kong Isawanda Laloo, IAS District Magistrate, East Khasi Hills District, ka pynbna paidbah ba la khang bad mana tyngeh ban pyndonkam ia ki rukom khwai doh kiba pynsaja ia ki kynja kiba im hapoh ka um ha ki wah Umngot bad wah Umlew bad la mana ruh ban thang khlaw beain ha kitei ki shnong kumba la kdew, kiba don hapoh jong ka East Khasi Hills District.
Kum ki bor ba dei peit ia ki shnong ki thaw, nga kyrpad ba lada phi lap ne tip iano iano baleh ia kitei ki jait kam kumba la kdew haneng sngewbha ban pyntip kloi sha kane ka ophis bad yn pynshitom ia ki katkum ka ain. Kane ka hukum kan treikam mardor naduh ka 25 th IAIONG 2022 tad haduh ban da pynbna pat da kumwei.
