Shillong, Iaiong 19: ka Deputy Commissioner jong ka East Khasi Hills District mynta ka sngi kala pynjari biang ia ka Corphiew naduh lashai ka sngi haduh ka 26 tarik mynta u bnai ha baroh kawei ka sorkar Shillong bad kikhap sor.
Ha kane ka koprhiew la pynlait ia ki shipai, kiba trei ha ka koit ka khiah, kiba dienglang dawai bad ki pharmacy, ki pulit bad ki kynhun pulit, ka tnad pynlip ding ki pulit, ka MeECL bad Power Grid, Ka tnad sam bam, FCI, ka tnad shan surok, ka tnad sam um, ka tnad ri mrad bad ka tnad sam dud, ka Shillong Municipal Board, ka tnad Sanitization jong ka Shillong Municipal Board.
Ki lat phah jingtip, kiba rah dak, ki lat pathaikhubor, Ki Bank, ATM, Treasuries, Petrol pump, Kiba kit ia ki marba don kam, LPG, kiba phah tiar sha ki iing, kiba rah jingbam sha ki iing, ki dukan kiba la ithuh da ka sorkar kiba shllan mar sha ka tnad ka koit ka khiah, bad ki briew jong ka sorkar kiba don ha ka kam.
Kitei baroh kiba la pynlait na ka jingtrei kam ka korphiew ki hap ban but ryntih ia ki jingbthah jong ka tnad ka koit ka khiah khlem da pynbakla. Baroh ki kali kiba kit marbam, kit ia ki shipai bad kiba kit ia ki tiar ba pyndon kam ha ki jaka sumar la pynlait, hynrei ia ki nongniah bad u nongbud hap ban peitbniah katkum ki kyndon.
Ia ki korphiew pass lah ban apply lyngba ka website www.eastkhasihills.gov.in kane ka hukum kan nym trei kam ruh na ka bynta ki dukan rashon, ki dukan dielang bad ki dukan die khutia kiba la ithuh da ka sorkar.
Ka DC kala pynbna shuh shuh ba ki dukan kin plie naduh ka 20 tarik haduh ka haduh ka 23 tarik mynta u bnai ban ailad ia ki briew ba kin thied jingthied kata naduh ka por 9.00 baje mynstep haduh ka por 4.00 baje jan miet. Haba ia dei bad ki dukan sha ki nongkyndong kan shong ha u BDO jong kato ka jaka ban pynbeit.
La shah shuh ia ki dukan shna mobile ba kin plie ha Shillong bad ki khap sor, Kine ki dukan kin plie ha ki ar tylli ki Civil Sub Division Pynurlsla bad Sohra bad ha baroh ki Block.ka MeECL kan buh ia ki jaka ban shim ia ka bai light na ki paidbah ha ki iing dorbar shnong.
Ka DC kala pynmih ruh ia ka jingbidong bay m bit ban ia lum briew palat ia ka san ngut ha ki jaka paidbah, ym pat shah ia ki kali ban iaid ban ieng, kiba dei ki kali sorkar ne jong ki riew shimet. Ym dei ban iaid sha ki jaka paidbah khlem da deng mask bad la khang pyrshah ban bynthiew ha ki jaka paidbah.
Ki rangbah shnong ryngkat ki pulit kin hap ban ia treilang ban pynbeit ha ka por ba plie dukan ban peit ba dei ban bud ryntih ia ka Social Distance. Ym dei hi ruh ban ia lum briew shi jaka tang ha kawei ka dukan.
