Shillong, Risaw 24: U Sub Divisional Magistrate, jong ka Sohra Civil Sub Division, Sohra u la pynjari ia ka kynon 144 CrPC ban khanglad ia ki briew shimet ne ka kynhun ban tih maw ne shyiap na ruh jong ka wah Umiam bad Thariaghat ha baroh shilynter jong kane ka wah bad la ong ba 100 meter habaroh ar liangjong kitei ki wah.
Ia kane ka hukum la pynmih namar ba ka ophis kala ioh ioh ia ka jingtip ba kin don ki briew bad ki kynhun ban thi maw bad shyiap na kine ki ar tylli ki wah. Lada ka don ka jingtih Maw bad shyiap na kine ki wah kan don ka jingktah kaba jur ia ka mariang ha ka thian sohra kumta la khang pyrshah.
