Shillong, Nohprah 08: Ki shipai BSF jong ka jylla Meghalaya
kiba ap ha khappud bad ka Bangladesh ha West Jaintia Hills mynta ka sngi kila ioh ban pynjulor haduh 58 tylli ki liengkynda kiba la wan kiew na Bangladesh bad la ioh ban kurup haduh 45 tone u shna motor ba la thad tyrkhong.
Kine ki lieng kynda kiba la wan kiew na Bangladesh ka long ha ka wah Lakra kaba hap hapoh jong ka West Jaintia Hills District kaba hap ha ka jingpeit jong ka BOP Muktapur bad na kine ki lieng la ioh ban kurup haduh 45 tone u shna motor ba la thad tyrkhong.
Ki BSF kila kerkut ia kine ki lieng kynda ha kaba por ba kila rung sha ki bynta jong ka Ri India shuwa ba kin ai ia kine ki mar khaii beain sha ki nongthied na India bad ka dor jong u shna motor ba la ioh ban kurup mynta ka sngi kala kot sha ka T.68 lak tyngka.
Dang ha kine ki sngi ki shipai BSF kila ioh ban kem katto katne tylli ki kali bad ha dein bala kem ia ki kali ba iaid na ki surok kine ki nongkhaii beain kila pyndon kam ia ki wah ban leh ia kine ki kam khaii beain.
Ka jingioh lat jong kine ki nongkhaii beain ka long ba ki khappud ha pdeng ka jylla Meghalaya bad ka Bangladesh ki long khlaw bha, hynrei na ka liang jong ki BSF kila kut jingmut ba ia khun pyrshah ia kane ka kam beain.
Na ka liang jong u U. K. Nayal, na ai khubor jong ki shipai BSF jong ka jylla Meghalaya u la ong ba kum kane ka jingiakhaii be ain kan ktah ia ka ioh ka kot jong ka Ri bad khamtam ia ki nongrep jong ka Ri India na ka liang jong ki BSF kin nym shong kli kti hynrei kin ia leh ban pynduh jaid ia kum kine ki jingiakhaii beain.
