Pynkha ka kur Warjri ia ka shnat seng kur ha ka shnong Pyndeng Nongbri, Mairang

Pyndeng Nongbri, Lber 16: Ki nongkitkam ba ha khlieh duh jong ka Seng Kur Warjri ki la leit jngoh ia ka shnong Pyndeng Nongbri na ka bynta ban thaw ka shnat treikam Kur da ka ba phiah noh na ka Mairang na ka daw ba lah kham iar ka shnat bah Mairang.

Ka shnat Pyndeng Nongbri ka don haduh 137 tylli ki longiing longsem ki ba kynthup ïa ki 746 ngut ki parakur na ka shnong. Baroh lang ki don kumba 329 ngut ki kynthei bad 417 ngut ki shynrang naduh ki khyllung khynnah, ki samla, rangbah bad tymmen.

La jied nongmihkhmat jong ka shnat ki ba kynthup ïa u Bah Rotar Warjri, President, Bah Marbel Star Warjri bad Bah Buksing Warjri, Vice Presidents; Bah Wantar Warjri, Adviser; Bah Tairos Sing Warjri,  Secretary; Bah Pynshailang Warjri, Assistant Secretary; Kong Martidoris Warjri, Finance Secretary; Kong Dadi Warjri, Treasurer; Bah Maktur Sing Warjri, Publicity Secretary; and Bah David Warjri, Assistant Publicity Secretary.

Da ka jingthmu ban pynshlur bad ai mynsiem ïa ki khynnah bad samla jong ka kur la pynkup burom lai ngut ki khynnah samla ki ba jop ha khlieh eh ha ka jingpule HSSLC bad SSLC 2018. La ioh ruh ka jingkren kyntu kynpham na ki rangbah kur na ka bynta ban kitkhia ïa ka bhalang jong ki parakur salonsar bad ban ym shah liang khleh lang ïa ka kam kur bad ka kam saiñ pyrthei ne ki kam niam.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet