Pynkhreh ka Coal India da ki pom um ba 100 HP ban tan ia ka um na krem dewiong ha Ksan

Shillong, Kyllalyngkot 02: Haduh mynta ka sngi ka jingiapyrshang ban lap ia ki briew kiba la shah ban ha ka krem dewiong kaba don ha ka shnong Ksan ha East Jiantia Hills ka dang iaid sha phrang ha kaba ki briew jong ka Coal India kila wanrah da ki pump pum kiba 100 HP ban dup lah ban tan ia ka um haduh 500 GPM.

Ia mynta ka sngi ki NDRF kiba don ha katei ka jaka kila iathuh ba la lah ban tan mynta shi sngi 120000 litter ka um. Da ka jingpyndait shuh ia ki pump um kiba la wan poi na ka Coal India kan dang kham pynlain shuh shuh ia kane ka jingpump ia ka um na katei ka jaka ba don ka krem dewiong.

Na ka liang jong ki bor sorkar kila pynlait ruh ia ka kyrteng jong ki briew kiba la shah tap ha kane ka krem dewiong, ki kyrteng jong ki 15 ngut ki long, u Omor Ali, u Mezamur Islam, u Monimul Islam, u Amir Husain, u Munirul Islam, U Saiar Islam, U Shirapat Ali, u Mozid SK, u Raziul Islam, u Samsul Haque, u Bah Chal Dkhar, u bah Iong Dkhar, u bah Nilam Dkhar, u Abdul Kalam bad u Assh Bahadur Limbu.

What Next?

Recent Articles

Leave a Reply

Submit Comment

*