Shillong, K.Lyngkot 01: U Secretary jong ka Hima Sohra u bah B V Rymmai la ong ba ka Hima Sohra kala pynkhreh ban thang ia ka Syiemsad katkum ka niam ka Ratimai Syiem khlad ha u snem 1994 bad ka hima mynta ka dang pynkhreh namar ban thang katkum ka niam ka rukom don kam bun ka por bad kum juh ka jinglut jingsep, ha kine ki ar lai snem la pynkhreh hynrei ka poi noh kane ka khlam COVID-19.
Haba kren ha ki lat pathai khubor la ong ba ia u Syiem dei ban thang ban pyndep ia ka niam iap kaba ki ong, lem da ioh ban thang ia u syeim rangbah dei ban thang ia ka syiemsad te bara bor ia u syiem rangbah bad syiemsad la thang katkum ka niam.
La iathuh ba ha u snem 1875, ha ka jignialeh ilekshon hapdeng jong u Hajon Manik Syoem bad u Bor Sing Syiem ha kata ka por ba du jop u Hajon Manik Syiem namar Bor Sing Syiem ba kham don hok ban long syiem la kylla Khristan noh, katkum ka khana pateng u Hajon Manik Syiem um dei na ka kpoh Syiem Sohra.
Namar ba u syiem Hajon Manik Syiem namar ba um dei na ka jaidsyiem um lah ban thang ia u Syiem Ram Sing namar ba um lah ban thang ia u syiem Ram Sing ka Hima Sohra kam lah ban pdiang ia u kum u Syiem.
Khnang ba ka sorkar phareng ha katei ka por kan ithuh ia u kum u snem u leh kumno u thang ia ka kmie jong u ka kong Taidbor ka Syiemsad bad sa ithuh ia u kum u syiem ba pura bad sa ai Sanad ha kato ka por.
Haba u Robert Sing Syiem u la jop kum u Syiem ha u snem 1900 u thang ia u Ram Sing Syiem ha u snem 1908 ha dien 33 snem ba ka metiap u Syiem Ram Sing la sah hapoh khyndew.
