Shillong, Nailar 22: Ka kong Sarita Lyngdoh Nongpuir, ka kurim jong u Bah Founder Strong Cajee bam kwai ha dwar u blei u MLA barim jong ka Mawlai, kala pynkhreh ban ia khun ia ka MLA Election ka ban long ha u Lber 2018.
Haba u SP News Agency u la ia kren bad ka kong Sarita, kala iathuh ba ka don ka jingthmu ban ia khun ia ka MLA Election bad mynta kala iaid sha khmat ban pynlong ia ki jingialang ha kylleng kylleng jong ka Mawlai Constituency.
Haba jubab ia ki jingkylli, ka kong Sarita kala ong ba, kala pynkhreh ban ia khun ia ka MLA Election, hynrei haba ia dei bad ka party kam pat kren shai, hynrei kala ong ba ka dang pan tiket na ka seng People Democratic Front (PDF).
Da ka jingmih sha khmat jong ka kong Sarita ban ia khun ha ka Election MLA kaban long ha u snem 2018, ka Mawlai Constituency kumba la paw mynta ki kyrtong, ki long u Bah PT Sawkmie na ka seng Congress, u MLA ba mynta u bah Embhalang Syiemlieh na ka UDP, u Bah BL Nongbri na ka KHNAM bad ka Kong Sarita na ka PDF.
