Shillong, Nohprah 18: Na ka jingkhot jong u MLA ka 19-Shillong South u bah Sanbor Shullai kala pynthikna ba ka MePDCL kala pynkhreh mynta ban buh noh da ki Solar Light kum ki Street light ha kane ka nongbah Shillong.
Ia kane la pynshai na ka liang jong ki ophisar ha ka jingialang kaba la khot da u bah Sanbor Shullai MLA ba dei ruh myntri ka sorkar jylla ba ka don ka jingpynkhreh na ka MePDCL ba kin sa buh noh da ki solar light ha ki shnong ki thaw kum ki street light.
Kane ka jingbuh ia ki Solar Light ha ki bynta bapher bapher jong ka nongbah Shillong kala sdang ha kine ki khyndiat snem bad kane ka jingbuh ia ki solar light kala iai bteng haduh kine ki sngi bad kane kala iarap ban ioh jingshai ha ka por ba lip light.
Ka jingpynshlur ban buh ia ki solar light ka long ban pyndun ia ka jingpyndon kam ia ka light bad ban pynduna ia ka jinglut ha kaba siew ia kabai light, kane ka jingpynkhreh ka MePDCL kan long na ka bynta ki dong bapher bapher jong kane ka nongbah Shillong.
