Shillong, Risaw 24: Ka tnd pynroi khappud bad ka Bangladesh mynta kala pynkhreh ia ka skhim ban pan na ka sorkar pdeng ban pynioh ia ki ‘street Light’ sha ki shnong ba don khappud bad ka Bangladesh. La ong u Bah Prestone Tynsong myntri ba dei peit ia kane ka tnad jong ka sorkar jylla.
Ha ka jingkren paidbah jongu bah Tynsong ha ka jingrakhe ia ka jingdap 25 snem jong ka shnong Nongtalang Mission u la ong ba, ka sorkar ka kwah ban pynioh ia ki street light sha ki nongkyndong ha ki shnong kiba don ha khappud bad ka Bangladesh.
Kine ki street light kiba ka Border Area Development ka kwah ban leh kan long lyngba ki Solar Light, ka sorkar ka dang pynkhreh ia kane ka skhim bad kan sa sha ka sorkar pdeng ban mang pisa. Ka jingdon ia ki street light ka long kaba don kam ha ki nongkyndong.
Ka jingpyrshang ia kane ka skhim ban ai street light sha ki nongkyndong kala sdang ha ka shnong Mawlongbna kaba hap hapoh jong ka Mawsynram Block bad kane ka jingdon ia ki street light kala ia shim bun iaki paidbah nongshong shnong ha ka iaid ka ieng khamtam ha ka por miet.
