Shillong, Jymmang 01: U bah Denis Tynsiar mynta ka sngi u la pyntip ba u la pynkhreh ban ia khun biang ia ka elekshon MLA ha u snem 2023 na ka Pynursla Konstitwensi, hynrei ym pat iathuh pat na ka party aiu yn ia aireng ha kane ka khep kaba mynta.
Ha ka kyrwoh kaba la phah mynta ka sngi u la ong ba ka jylla kala iaid 50 tylli ki snem, hynrei ym pat ioh ia la ki nongialam lane pat don ka ain baskhem ba iada na ka mei pateng ban dang wan.
Wat la u tei u rangbah um pat kren na kaei ka party un ia khun ia ka MLA Elekshon ha u snem 2023 hynrei u la pynpaw ba u sngew bynnud palat bad ka jingjia kaba ia dei bad ka seng Khun Hynniewtrep National Awakening Movement (KHNAM) kaba la ia tip lang baroh.
La ong ba ka seng KHNAM ka dei kaba la kha na ka pateng ki ban dang kha sha kane ka sla pyrthei, la ong ba u sngewthuh shai bha ka daw ba ka jaidbynriew ka long kumne namar ka jingkwah bor bad burom.
U bah Tynsiar u la kren bynniew te lano kan kut kane jingpang jong kane ka jingiabishni bad kwah burom kaba la khreh ban bam duh, la buh ka jingkylli balei katei ka jingjia hapoh ka seng kaba don ka jingialeh, hato la kha ia ka seng hato ka dei mo ban ia leh para ma ngi ne ban ia leh bad ki bor ban pynjot pynra bad ki nongwei.
“Nga sah lyngngoh bad buh ka jingkylli namar nga la iaid bad shah jingmut ia ka nongrim ka seng KHNAM kaba la ieng beit triang kam juh kyrtiang dien, khamtam bad kimat kiba ktah bad ka iap ka im. Nga ngeit ba ki nongialam kin sngewthuh noh shuwa ban dier ka por khamtam kane ka por ka long shisha ka jingdawa kaba shong nongrim” la ong u bah Tynsiar.
U tei u rangbah u la kynnoh haba peit ia kiwei ki seng kila ia beh sha ka jingthmu ban pynkylla mar khaii kumno ban ia khaii ia ka mynta bad ka lawei ki long dien bad ka meiteng kiba dang dang wan, kane ka dei kaba ki hap ban jubab sha ki khun meiteng la ong u bah Denis ha ka kyrwoh kaba la phah mynta ka sngi.
