Pynkhuid ka shnong Mawbidong ia u Lum-Tyngngaw  ban pynkylla jaka jongkhai pyrthei

Shillong, Risaw 09: Ka shnong Mawbidong kaba peit bad khmih ia kane ka jaka ba itynnad bad kaba khring bha iaki ban jngohkai hajrong Lum Tyngngaw kaba don ha syndah ka Shnong Mawbidong, South West Khasi Hills District.

Une u Lum Tyngngaw ulong uba jrong bad sawdong sawkun ki jingitynnat kiba lah ban khring ne iapmat lyngba ki jingitynnat bad nalor uneu lum lah ban iohi ka shnong Mawsynram, ka wah Um-Ngi, Wah Kynshi, ia kiba bun ki Shnong ka South West Khasi Hills.

Nalor une u lum lah ban iohi ia ki jaka Rep jaka riang kum ki diengkwai, ki Sohmarit, ki dieng Sohñiamtra, ki synsar, slatyrpad, diengsohphnat, kiwei² ki jait jingthung dieng, ki siej bad wat iaki shnong jong ka Ri Bangladesh.

Hatrai une u Lum don ka shnong Mawbidong, Manad, Lummawbah, Pyndenlyngdoh, Ka wah Um-ngi, ka wah Um-it, ki wah rit babun, ki jaka rep jaka riang jong kane ka Dongriwar bad ka khana  pateng. une u Lum naki tymmen hyndai kaba sngewtynnat shisha ha kaba ka imlang sah lang  ka don naduh nyngkong haduh mynta kumba ka long.

Kumta ka shnong ka la pynlut daka bor dalade naka bynta ban leit pynkhuid iaki kynbat, ki lynti synkieng bad ban pynbiang malu mala ia kane ka jaka khnang ba ki nongwan jngohkai kin lah ban ioh kiew halor une u Lum bad bun bah ki nongwan jngohkai na kine ki thaiñ bad wat kiba na sor Shillong ruh ki don kiba la wan jngohkai ia une u Lum wat Lada ki lynti ki dang khohruh khohram bad ka Madan halor une u Lum ruh la taplut ki kynbat kaba shu khuid tang ban lah ban iaid briew.

Ka Shnong ka pynpaw lyngba ka khyrwoh na u Bah Tanlum K. Kharai uba dei u Secretary Shnong Mawbidong u kyntu iaki tnad sorkar, ki bor district bad ki bor ba dei peit iaki kam jngohkai bakin ia phai khmat lem ban iarap khnang ba ka Shnong kan nang lah ban pynjanai bad lada ki lah ban pynjanai ia kane ka jaka jngohkai.

Lehse kan long kawei ka jaka jngohkai ba pawnam ha ka jylla ne wat haka Ri India. La ong u Tanlum Secretary Shnong Mawbidong ha ka kyrwoh kaba la phah mynta ka sngi sha ki lad pathai khubor.

 

 

What Next?

Recent Articles

Leave a Reply

Submit Comment

*