Pynkup burom ka Khadsawphra College ia ki 101 ngut ki ba pass HSSLC

Shillong, Nailar 04: Ka Khadsawphra College, Mairang ka College kaba dang shusdang shen ha kine ki snem kala pynkupburom ia ki samla pule kiba la pyndep ia ka Higher Secondary School Lieving Certificate. Kaba la pyniaid  da ka MBOSE mynta ka snem. Kine ki khynnah baroh ki don 101 ngut. 80 naki kidei na ka Arts Stream 21 ngut kidei kiba pass ha ka Commerce Stream.

Ka jing pass ki khynnah mynta ka snem ka long 98.75% ka college ka la sam ruh ia Ka Khusnam  Kitdor Memorial Award 2019 da ki Momento bad ka Pisa sha ki ar ngut ki Topper jong kane ka College bad kita ki long Ka samla Balasiewdor Ryntathiang  jong ka Arts Stream bad Lapynsuk Ryntathiang jong ka Commerce Stream kiba la pass ha ka First Division lem bad ki khadarngut kiwei pat ha ka juh ka Kyrdan.

Ka kong Amparren MLA kaba long ka Education Minister barim jong ka Sorkar Meghalaya , u bah Batskhem Ryntathiang MDC  bad u bah Robert June Kharjahrin President HYC Central Body kila long ki kongsan kiba la kren ioh mynsiem shibun eh na kaei kaba kane ka College ka la leh na ka bynta ki samla pule jong kane ka thain ia kaba ha ka jingshisha ki samla ba la pass HSSLC nangne kim da don kam shuh ban iabeh sha sor ne sha kiwei kiwei ki jaka.

Kitei ki nongialam baroh lai ngut kila pynsngew ba kane ka College kam da iapher shuh bad ki college kiba don ha sor. Hynrei ha ka juh ka por kila kren ai mynsiem ia ki 101 ngut kiba la pass  bad ia baroh ki samla pule kiba ia don lang ha kane ka sngi ba kin nang trei shitom shushu khnang ba kin jop ia ka thong ka jing im jong ki.

Kiwei pat kiba ka ai jingkren kyntu kynpham ia ki samla pule ki long Babu Boldness L Nongum ( Principal ) kong Aida C War ( Vice Principal ) kong  Annie Jane Mukhiew bad bah Lawan Pynshngain War President ka Coverning Body.

La pynphuh pynpheng ia kane ka Programme da ka jingiadon lang ki kmie ki kpa , ki riewrangbah jong kane ka thain ryngkat ki jongrwai bad jingshad jong ki samla pule ha kane ka sngi.

What Next?

Recent Articles

Leave a Reply

Submit Comment

*