Pynkup Burom ka MSSASA ka Laskein Block Unit ia u bah Meker Shwa Wann

Shillong, Kyllalyngkot 19: Ka SeIMG_20180119_140928ng jong ki nonghikai SSA Laskein Block, ka Meghalaya Sarva Shiksha Abhiyan School Association (MSSASA) Laskein Block Unit West Jaintia Hills District mynta ka sngi ka la pynkup burom ia u bah Meker Shwa Wann uba long u nongseng kumjuh ruh u Ex-President bad General Secretary ka MSSASA Laskein Block Unit halor ka jingsynniang jong u ban trei naka bynta ka bha ka mait ki nonghikai SSA hapoh ka Laskein Block,  district bad ha ka State hi baroh kawei.

Ia kane ka program la pynlong ha Moolibang Community Hall Shangpung ha ka jingiadonlang u State President ka MSSASA u bah Aristotle C Rymbai, u bah Tiplem Sumer General Secretary MSSASA West Jaintia Hills District Unit, ka kong Middle Pakyntein Treasurer ka MSSASA West Jaintia Hills District Unit ha ryngkat bad ki spah ngut ki nonghikai SSA jong ka Laskein block kiba la wan ban sakhi lang.

U bah Aristotle C Rymbai ha ka jingkren jong u, u la iathuh ba ka Meghalaya SSA School Association Association Laskein Block Unit kadei ka unit ba nyngkong ba la seng haka 16 tarik u bnai October jong u snem 2010 hapoh ka jongialam jong u  bah Meker Shwa Wann bad u bah Pura Wett kum ki Conviner ha kito por napdeng ki 5 tylli ki Block Unit jong ka MSSASA hapoh Jaintia Hills baroh kawei.

U la iaroh ruh ia ka jingtrei shitrhem bad lenlade jong u bah Meker Shwa Wann ban trei na ka bynta ka bha ka mait jong ki nonghikai SSA hapoh kine ki hynniew snem ba la dep wat la ialade um dei u nonghikai SSA. Ka long ka eh bad shitom ban shem ia kum kine ki briew kiba kloi bad lenlade na ka bynta ka jingmyntoi jong kiwei pat bad ka Laskein Block Unit ka long kaba donbok ban ioh nongialam kum u bah. Meker Shwa Wann bynrap shuh u bah Rymbai.

U Bah Final Langbang President Ka Meghalaya SSA School Association Laskein Block Unit ha ba kren na ka liang jong ka unit u kitbok kitryiang ia U bah Meker Shwa Wann ba un ioh ka met ka phad ka koit ba khiah bad kumjuh ruh ba u Blei nongbuh nongthaw un iai donlang bad u la ha kino kino ki bynta ba u don ban shakri ia ka imlang sahlang bad ki para briew.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet