Pynkup burom ka SBI- RSETI ia kiba seng la jong kum juh ia kiba wan shah hikai

Umsning, Naiwieng 07: ka kong R.M Kurbah ka Deputy Commissioner jong ka Ri Bhoi District kala pynkup burom ia ki ar ngut ki samla kiba la shah hikai ha ka State bank of India Rural Self employment Training institute (SBI-RSETI), ha Umran ha kaba mynta ki la lah ban seng ia la ki jong ki kam ban ieng hala ki jong ki kjat bad kila lah ban ai kam ruh ia kiwei.

Ki ar ngut ki samla kiba la shah pynkup burom ha ka sngi ba ar ha ka DC jong ka Ri Bhoi ki long u bah  Synsharlang Nongrum u ba la seng la ka dukan ban shna  ia ki mobile phone bad u bah  Salvation Syngkli u la plie la ka dukan khapsniuh bad u lah lah ruh ban ai kam sa ia ar ngut kiwei pat .

Kine baroh ar ngut ki dei ki ba la dep wan shah hikai bad pyntbit ia la de ha ka State bank of India Rural Self employment Training institute (SBI-RSETI),Umran,ka jaka ai jinghikai  ka ba ym donkam ban siew ei ei  naduh ka jinghikai, ka bam bad na ka bynta ka jaka sah ha ka por ba ki dang shah hikai ha kaba ki nongleit sha hikai kim don kam ban siew ei ei.

Ka Deputy Commissioner jong ka Ri Bhoi haba kren kum ka kongsan ha kane ka sngi ha kaba pynkup burom ia kitei ki ar ngut ki samla, kala ai ka jingiaroh ha kaba ki la pyndon kam ia ka jinghikai kaba kila ioh na kane ka jaka ai jinghikai bad kane ka long ka nuksa ia kiwei ruh kiba dang shu pyndep ia ka jinghikai ha ki kam kaba ki kwah ban trei.

 

Ha kane ka sngi la sam ruh ia ki certificate sha kiba dang shu pyndep ia ka jinghikai, kum ka kam shna mobile,Welding, khapsniuh bad kiwei kiwei dei ki kam katkum ka jingkwah jong ki. Na ka liang jong ka DC kala kyntu ia ki baroh kiba la pyndep ia ka jinghikai ba ki dei ban trei shitom  bad minot thop  ban pynleit jingmut ha ki kine ki kam ba ki la ioh jinghikai khnang ba ma ki ruh shisien ka sngi kin sa lah ban don laka kam bad kan long ka jingkyrkhu na bynta jong ki hi bad ka ing ka sem .

 

 

Ia ka jingialang  la pyniaid da u bah Lucky Star Lamin, Senior Faculty jong kane ka jaka ai jinghikai, ha kaba u la ai ka jingkit bok ia baroh ki samla kiba la pyndep ia ki jinghikai ha kaba u la kyntu ia ki ba kin sdangnoh ia la ki jong ki kam.

 

Ha kane ka sngi la don lang ruh u  Kamzalian District Development Manager, NABARD Nongpoh kum u  Deputy Director ka RRTC u Brother Bosco u  Director jong kane ka jaka ai jinghikai  Bah Tombing Vumzagin  bad kiwei kiwei de.

 

 

What Next?

Recent Articles

Leave a Reply

Submit Comment

*