Pynkup burom ka seng MSCSO ia ka Step By Step Secondary School, Wapung

IMG-20180909-WA0032Wapung, Nailur, 09: Ka Moopynieiñ Socio-Cultural bad Sports Organisation (MSCSO) kawei na ki sengbhalang ba paw khmat ha ki thaiñ Wapung ha kane ka sngi ba la dep, 7 tarik u  Nailur ka la pynkup burom sa ia ka skul Step By Step Secondary School, Wapung halor ka jingkhur jong ka 4 sien ia ka nam lahduh ha ka March Pass Parade jong ka Indpendence Day bad Republic Day naduh u snem 2014 haduh 2018  ba la khot pynlong da ka East Jaintia Hills District Administration bad ka Office jong ka Wapung C & RD Block.

Ia katei ka jinpynkup burom la pynlong da ka MSCSO ha ka hall jong Step By Step Sec. School, Wapung. La pyniaid ia katei ka jingialang pynkup burom da u Deibormi Rymbai EM, MSCSO . Kiba iadon lang ha katei ka sngi ki long naduh u Bah Shaniahbha Dkhar bad u July-ewanmi sianghhai,  President bad Genl. Secretary, MSCSO; U Bah,  Cheerful Ryngkhlem bad U Bah DL Rymbai, Chairman  bad Genl. Secretary, Dong Moopynie; u Bah M H Dkhar, President, AJYWO Central Body; Ka Princpa, Mrs. Theily Dkhar; Ki nonghika, ki khynnah skul bad kiwei kiwei de.

Ha ba ai jingkren ha katei ka sngi, u Bah M H Dkhar, Presiden, AJYWO Central Body, u la ong “Katno ka long ka jingsngewsarong ban iohi ba ki skul ha ka thaiñ Wapung ki la ia nangkiew sha khmat ha ki ki ba bun ka bynta. Ka jingioh khur jong ka SBS Sec. School, Wapung ia ka nam jingjop jin haduh 4 sien ia ka March Pass Parade kam dei ka kam kaba suk, namar kane ka kam ka donkam ia ka Discipline  bad jingrei shitom ban jop ia katei ka jingialeh.

Ka jingiaid beit iaidryntih, ka dei ka bynta kaba kongsan eh ha ka jingim u briew khamtam ki khynah skul. Tang ki khynnah skul kiba don ia ka Discipline ki ban nang kiew irat ha ka jingpule bad jingthmu ha ka jingim jong ki. Nga kitbok kit rwiang ia ka skul ba kan nang iaid sha khmat ha ki ba bun ki bynta na ka bynta ka lawei jong ka ri bad ka Jaidbynriew”.

U Bah Shaniahbha Dkhar, President, MSCSO,  ha ka jingkren jong u ha katei ka sngi u la ong“ Ma nga,  bad ka MSCSO ngi, pynpaw ia ka jingsngewsarong  halor ka jinglah jong SBS Sec. School, Wapung ban khur ia ka nam lah jin haduh 4 sien. Ka MSCSO ka ai mynsiem ia ka SBS Sec. School, Wapung ba kan nang kiew irat ha ki liang baroh na ka bynta ka lawei jong ki khynnah skul jong ka thaiñ”.

U Bah Cheerful Ryngkhem,Chairman, Dong Moopynieiñ,  ha ka jingkren jong u, u la ong, “ Ka Dong ka kmen ba ka skul  kaba don ha ka dong jong ngi, ka la wanrah ia kane ka nam ka burom bad ngi sngewsarong shi katdeeh ia kane ka jingjop jong ka SBS Sec. School, Wapung  ha ka Mass Pass Parade 4 sien syndon. Iaid shakhmat SBS Sec. School Wapung.”

U Bah D L Rymbai ruh ha ka jingkren, u la on, “Nga iaroh iaka jingtrei shitom jong ka skul da kaba wan rah ia kane ka nam lahduh kaba dei ka burom ia ka Dong, ka Shnong bad ka Thaiñ hi baroh kawei. Nga kyntu ruh ia ka skul ba kan hikai bha ruh ia ki khynnah skul kumno banleh khuid ban hikai bha ia ki khynnah kumno ban pynneh pynsah ia ka mariang da ka pynmlien ban ia thung dieng”.

Kum ka dang ka jingpynkup burom shuh shuh ia katei ka skul, u Bah Shaniahbha Dkhar, President jong ka seng,  u la ai sngewbha da ka Certificate of Achievement ha ka dur jong ka Memento ba la pynkhreh da ka MSCSO sha katei ka skul lyngba ba ka Principal, Mrs Theily Dkhar, bad ruh ha ryngkat ka Cash Prize Award kaba Rs. 5000/- (San hajar tyngka).

What Next?

Recent Articles

Leave a Reply

Submit Comment

*