Shillong, Risaw 14: Ka Shangpung Kickboxing Training school ryngkat bad ka Dorbar Shnong Shangpung Koira ha ka 3 
Tarik October 2019 ha ka por 8:30 janmiet ka la pdiang donburom ia u Khlur Rang ialehkai Kickboxing Jong ka Ri India U Hame Shaniah Suiam uba la khur Takma Ksiar bad Rupa ha ka X WAKO World cup Diamond Kickboxing Championship 2019 kaba sdang naduh 24-29 September 2019 kaba long ha Nongbah Anapa,Russia.
Ha kane ka jingialang ryngkhat u paidbah jong ka Shnong Shangpung Koira ki lah iamih Paitbah na la ki ing ki sem jong ki ban ia pdiang donburom ia u Rangialehkai Kickboxing ryngkhat Ka jingiadon lang u PA Dalloi ka Elaka Shangpung Chanki Langbang kum u Kongsan, Rangbah Shnong Ka Dorbar Shnong Shangpung Koira U Ma Witting Born Langstang.
ki dkhot nongkitkam ka Shnong Shangpung Koira, ki nong Shong shnong ka Dorbar shnong Shangpung Koira Ki Longkmie Longkpa,ki Rangbah ki Samla,ki hep barit,ki bahiang bahasem u Hame,ki parlaok parajor bad ki khynnah ialehkai Kickboxing ki lah dap Dap ka jingsngewkmen kaba khraw hadien ba u Hame u lah jop ha ka lympung ba khraw Jong ka pyrthei kaba long ruh ka jingrahnam ia ka Shnong ka thaw, ia ka ing ka sem, ia ka West Jaintia Hills District,ia ka State Meghalaya, ia ka Ri India bad kumjuh ia ka Jaitbynriew Jong ngi.
Ha kane ka jingialang la Pynkup Burom ruh ia ki 2 ngut ki Rangialehkai jong ka shnong Shangpung kiba Lah jop Takma Ksiar ha ka jingialehkai shabar Ri ha ka Nepal Open International Kickboxing Championship 2019 kaba long ha Kathmandu,Nepal naduh 1-4 June 2019 Kita ki long u Samla Heimonmi SUCHIANG Bad u Samla Pynshrainmiki Rabon.
