Pynkup burom u Conrad ia ka kong Wanmon kum kawei na ki nongseng kam

Shillong, Nailar 01: U Myntri rangbah jong ka jylla Meghalaya mynta ka sngi u la pynkup burom ia ka kong Wanmon Tang kaba dei na , Laskein Block jong ka  West Jaintia Hills District, Meghalaya. Kane ka jingpynkup burom ka dei halor ka jingshna ia ki jingbam.

Kine ki jingbam kiba ka kong Tang kala pynmih ka long na ki soh kiba ioh na katei ka jaka, kum u Sohphan, Syieng, lyngba kine la shna ia ki ashar, ka wine na u soh, u ashar sohmenken bad kiwei kiwei ki jingshna.

Ka kong Wanmon kala sdang ia kane ka kam ha u snem 2006 bad ban seng ia kane ka kam kala kala sei T.5000/- tyngka. Ha kaba sdang da ka jingkut jingmut kala trei shitom da kaba pyndon kam ia kaei kaba lah ban ioh na la shnong bad haba iohi ka kam kala iaid sha khmat kala shim ram T.500000/- tyngka na ka Urban Bank Jowai bad ha dien ba la dep ban siew kala shim T.50000/- tyngka na ka SBI ban pyniaid ia ka kam.

Ha u snem 2017 kala ioh ia ka lad ban leit sha hikai ha ka kam shna jingbam lyngba ka Meghalaya Institute of Entrepreneurship (MIE) bad ha dien kata kala ioh ia ka FSSAI license bad na kane ka kam ka jingmih kala kiew sha ka T.1,40,000/- tyngka ha shisnem bad kane ka kam kala lah ban bsa ia ka bad mynta ka kmen ba kala lah ban seng ia la ka jong ka kam.

Ka kong Wamon mynta kala buh saw ngut ki nongtrei ban trei bad ka, ym tang kata kala hikai kylla ia ki briew ha kane ka kam. Ban pynshlur ia ka bad ia kiwei ba kin seng ia la ki jong ki kam mynta ka sngi u Myntri rangbah ka jylla u la pynkup burom ia ka.

 

 

 

What Next?

Recent Articles

Leave a Reply

Submit Comment

*