Shillong, Naiwieng 04: U President jong ka Ri India u Ram Nath Kovind mynta ka sngi u la pynkup burom ia u Kanubhai Hasmukhbhai Tailor da ka kyrdan “ Doctor of Letters”. Ka jingai burom ia ne u rangbah ka long ba wat ha pdeng jong duna ha ka met u la lah ban seng ia ka kam shon kot ban ai kam ia kiwei.
Ha kane ka jingpynkup burom la don lang u Lat jong ka jylla Meghalaya u Tathagata Roy, u Myntri rangbah ka jylla u Conrad K Sangma bad u Vice Chancellor jong ka NEHU u dr SK Srivastava. U president jong ka Ri India u la wan hiar na ka jaka shong sha madan ban ai ia kane ka burom sha u tei u rangbah.
Ha kane ka sngi ki samla pule jong kane ka skul bah jong ka NEHU kiba la shah pynkup burom ki long 14502 ngut, kiba la poi sha ka Convocation kaba XXVI ki long 2019 ngut. Kiba dei na ka kyrdan Phd ki long 136 ngut, M.phil ki long 41 ngut, PG Degrees ki long 1342 ngut bad Bachelor’s Degrees ki long 12983 ngut.
