Pynkupburom ka  FKJGP ia ka samla Balarihun ba long ha 7 na pdeng ki 20 ngut ha ka SSLC

Shillong, Nairung 21: Ki Nongialam bad ki Dkhot jong Ka FKJGP Upper Shillong Circle hapoh ka jingialam jong u Samla Kitboklang Nongphlang, President FKJGP Upper Shillong Circle uba long ruh ha kajuh ka por u Chief Organizer jong ka FKJGP Central Body ha ka kila leit ban ai mynsiem bad pynkup burom ia ka samla Balarihun Kharlukhi ha ka ing sah jong ka kaba don ha ka shnong Kyndong – Nongkyntir, Mylliem.

Kum ban shu pynkynmaw hangne ba ka samla Balarihun Kharlukhi ka la wan ha ka kyrdan kaba hynriew ha ka thup Top 20 jong ka SSLC Examination 2020, ka long ruh ka sien kaba nyngkong ha ka History jong ka Ramkrishna Mission Secondary School, Mylliem ba lyngba u soh uba thiang ba la wanrah burom lyngba jong ka samla Balarihun Kharlukhi.

Ka seng FKJGP hi ka sngew ba ka jing ioh bat jong itei i samla ha ka kyrdan kaba hynriew ha ka thup Top 20 jong ka SSLC Examination 2020 ka long ka burom kaba khraw ym tang ia i bad ia ka ing ka sem jong i hynrei ia ka skul bad ia ka thain Upper shillong-Mylliem hi baroh kawei.

Haba kren lyngkot ha katei ka sngi ba ka FKJGP Upper Shillong Circle kila leit ban ai mynsiem bad pynkup burom ia I samla Balarihun Kharlukhi na ka liang jong u Samla Kitboklang Nongphlang, President FKJGP Upper Shillong Circle u la ong ba ka jingduk jingkyrduh kam lah satia ban khanglad ia ki briew kiba don shisha ia ka Mynsiem Iakhun ban kiew shaphrang bad ban saindur ia ka lawei kaba pyrnai.

U Nongialam jong ka seng u la ai mynsiem ym tang ia ka samla Balarihun Kharlukhi bad khamtam eh ia ki kmie bad u kpa jong itei ka samla ba kum ka seng kan iai don ryngkat ha kano kano ka kyllipmat kaba kum ka long ing ka donkam ia ka jingiarap jong ka seng da kaba ban jur ruh ba kim dei ban lehrain ban pyntip sha ka seng lada ki iakynduh ia kino kino ki jingeh.

Ha katei ka sngi na ka liang jong FKJGP Upper Shillong Circle kala ai ruh da ki jing ai sngewbha bad ka song tyngka sha ka Samla Balarihun Kharlukhi kum ka dak jong ka jingai mynsiem bad ka jing ia don bynta lang jong ka seng khnang ba kan long ka nuksa ban pynshlur  ia kiwei pat ki khun samla jong ka thain ba kin long kiba minot bad kiba trei shitom la ka long ha kano kano ruh ka bynta jong ka jingim la ong u Bah Riskhem Nongdkhar organising secretary ka seng FKJGP Upper Shillong Circle.

 

 

What Next?

Recent Articles

Leave a Reply

Submit Comment

*