Shillong, Naiwieng 10: Ka seng HYC Nongthliew kala leit ban ia kynduh ia u bah Metbah Lyngdoh MLA jong ka Mariang ha kaba kila ai da ka jingthoh ban pynkynmaw ia u ba ka seng ka dawa ban ioh ia ka District hapoh jong ka Mairang Civil Sub Division.Ia ka jingthoh la ai ha ophis jong u MLA ha shnong Mairang.
ka HYC Nongthliew circle haka 09/11/19 kala leit buh daka jingthoh ha ka kamra trei kam jong u, kaba don ha ka shnong mairang, ban pyn kynmaw biang ia u haka ba iadei bad ki mat jingdawa jong ka seng kaba la aiti daka memorandum ha kti ka jong u ha khmat u paidbah ha shwa ka elections 2018,
Ki mat jingdawa ki kiba kynthup ia ki hynriew tylli bad kita ki long ban kyntiew kyrdan noh ia ka Umthlong Nongthliew secondary School sha ka Umthlong nongthliew higher sec school. Ban kyntiew kyrdan iaka nongthliew PHC sha ka nongthliew CHC. Ban maramot noh iaka surok Laitarted sha Nonglyput kaba la jot rathai.
Na ka liang jong ka seng kala dawa ban pynheh noh iaka surok Mawmaram Nongthliew sha Umsaw Khwan. Ka HYC ka dawa ban kyntiew kyrdan noh iaka Mairang civil sub division sha ka Districts, bad iaka Districts dei ban ai bad ban jer da ka kyrteng daka “Khatsaw Phra Districts”Ban kyntiew iaka Vetinary Aid Health Center sha ka dispensary Health Center.
Ha kane ka jing ia kynduh naka liang u myntri u la pynpaw ha khmat jong ka seng ba kine ki jingdawa naka liang jongu u lah iaid sha khmat ban pyn urlong bad u la pynpaw ba ngin ia trei lang ban buddien iakine ki jingdawa, hakane ka sngi u la pynpaw ruh ba kine jing jingdawa ki long kiba shongnia ba na ka liang u paidbah ka thaiñ nongthliew, ki la ju pyn sngew ha khmat jong u naka por sha ka por.
Haka ba ia dei bad kane na ka liang jong ka seng ka la shaniah ha u ne u myntri u ba long ruh u MLA ka Mairang Constituency ban pyn urlong iakine ki mat jingdawa kaba u paidbah ka thaiñ Nongthliew u la angnud bad ki la ai ruh ka jingjop ia u ne u myntri haki por elections.
Ka seng ka iai ban ruh ba u dei ban sngap , kumba u paidbah ki la ai ka jing shaniah ha u haki por elections. Naka liang jong ka seng hakaba iadei bad kane kan sa iai buddien bad kynduh ruh iaki myntri sorkar bapher bapher.
