Pynkynmaw u president ka HFU ba ki nongrep kim dei ban die duh ia ki jaka rep

Shillong, Risaw 04: Ka Seng Nongrep Hill Farmers Union (HFU) ka kynmaw burom ia u Dr Martin N Majaw, ha ka sngi kha ka snem kaba 88 haka 3 tarik Risaw. Ki kynmaw ka jylla ka la ai burom ia u Kum uwei na ki 30 ngut kiba la lam khmat na ka bynta ka Hill State ka sngi Meghalaya day ha u snem 2010.

Katkum ka kyrwoh khubor ba la phah da u Bah Commander Shangpliang President jong ka HFU u la ong ba, ka seng kam lah ban klet ba la dei ka jingpynjari jong u Bah Martin Majaw is ka  Meghalaya Transfer  of Land (Regulation) Act 1971 ha u snem 1978 kaba la khang syndon ia ki bar jylla ban thied jaka hapoh jylla Meghalaya kaba la plie lad ia ngi ki Nongrep ban ban iada ia ki jaka riewlum- ki jaka nongrep hapoh ka ri Khasi, Jaintia bad Garo ka jylla Meghalaya.

U la ong ruh ba ka Seng HFU Kan sa pynlong ka jingkynmaw ia une u rangbah da kaba pynkynmaw ia ka Sorkar Jylla ba Kan da kham husiar haba shah ban pynkylla ia ki khyndew nongrep ban ha ka kyrteng ki karkhana bad jaka pule  kaba katei ka Ain ka shah ban pynkylla.

U la ong ba ka seng ka kynmaw burom iaune u rangbah namar ba khlem ka khyndew ym don jaidbynriew. kum u President jong ka seng nongrep u kyntu ia ki nongrep ka jylla baroh kawei lyngba kane ka sngi ba kyrpang ba kin kynmaw ba wat la kidei tang ki nongrep kiba duk bad kyrduh, hynrei ki dei ban kiar ban die duh ia ki jaka rep jongki namar kumba ka long mynta ki la don bun ki heh spah kiba la  thied ia ki jaka jong ki nongrep bad ki nongrep kim banse ban die bad ka la pynlong ban hiar ha ka rep ka riang.

Ha kum kane ka sngi nga kwah ban pynkynmaw ia ki nongrep ba ki dei ban long ki briew kiba sngew sarong ba ki dei ki nongrep bad kim dei ban sngew lehrain ban long ki nongrep. U la ong ba ka seng ka sngew burom ia une u rangbah nanamar lada ym dei ba la wanrah i aka ain ban nym die jaka sha ki bar jylla katta ka ri jonngi ka la kylla long kum kawei na ki jylla kaba la buhai shnong da ki bar jylla.

What Next?

Recent Articles

Leave a Reply

Submit Comment

*