Pynbna ka sorkar pdeng  T. 1.70 Lak klur na ka PMGKY ban iarap ha ka jingialeh ia u Corona Virus

New Delhi, Lber 26: Pynbna ka Myntri ki kam pla tyngka T. 1.70 Lak klur ka song jingiarap hapoh ka Pradhan Mantri Garib Kalyan Yojana na ka bynta kiba duk ban iarap ia ki ban iakhun pyrshah ia ka Corona Virus

➢ Yn ai Insurance T. 50 Lak marwei ia ki nongtrei ka koit ka khiah kiba iakhun pyrshah ia ka COVID-19 hap

The Union Minister for Finance and Corporate Affairs, Smt. Nirmala Sitharaman announcing the several relief measures across multiple sectors in view of COVID-19 outbreak, during a press conference through video conference, in New Delhi on March 24, 2020.
The Minister of State for Finance and Corporate Affairs, Shri Anurag Singh Thakur is also seen.

oh ka Scheme Insurance

➢ 80 klur ki briew ba duk kin ioh ei 5 kg u kew lane khaw bad 1 kg ki kynja dai man ka bnai ha ki lai bnai ban wan

➢ 20 klur ki longkmie kiba don ia ka Jan Dhan account kin ioh T. 500 shi bnai ha ki lai bnai ban wan

➢ Ka jingkyntiew ha ka bai nong MNREGA sha ka T. 202 shi sngi na ka T. 182 ban long ka jingmyntoi ia 13.62 klur ki longiing

➢ Ka jingsiew jingiarap pisa kaba T. 1,000 sha 3 klur ki nongshong shnong ba la tymmen kiba duk, kiba la iap lok bad kiba don jing duna ha ki dkhot met

➢ Ka Sorkar kan ai T. 2,000 sha ki nongrep ha ka taiew ba nyngkong jong u Iaiong hapoh ka PM Kisan Yojana ban long ka jingmyntoi ia 8.7 klur ki nongrep

➢ Ka Sorkar Pdeng ka la phah hukum sha ki Sorkar Jylla ban pyndonkam ia ka Building and Construction Workers Welfare Fund ban ai jingiarap sha ki nongtrei ha ki kam jingtei

Ka Myntri ba dei khmih ia ki kam pla tyngka jong ka Sorkar Pdeng bad ka Myntri Corporate Affairs, ka Niramla Sitharaman mynta ka sngi ka la pynbna T. 1.70 Lak klur ka song jingiarap pisa hapoh ka Pradhan Mantri Garib Kalyan Yojana na ka bynta ki briew ba duk ban iarap ban iakhun pyrshah ia ka Corona Virus. Haba ai jingkren ha ki lad pathai khubor hangne mynta ka sngi, ka Sitharaman ka la ong “Ki sienjam kiba mynta ka sngi kalong ban poi sha kiba duk na kiba duk tam, da kaba ai ki mar bam bad ka pisa ha kti, khnang ba kin nym shem jingeh ban thied ia ki mar ba donkam bad ban pyndep ia ki jingdonkam jong ki.”

U Myntri khynnah jong ka Sorkar Pdeng ba dei khmih ki kam pla tyngka bad Corporate Affairs Anurag Singh Thakur u la iadonlang ha kane ka jingialang nalor u Atanu Chakraborty, Secretary, Department of Economic Affairs bad Debashish Panda, Secretary, Department of Financial Services. Kine harum kilong ki bynta jong ka song jingiarap Pradhan Mantri Garib Kalyan Package:

KA SONG JINGIARAP PRADHAN MANTRI GARIB KALYAN

1. Ka scheme Insurance ia ki nongtrei ka koit ka khiah ba iakhun ia ka COVID-19 ha ki Hospital Sorkar bad ki jaka ai jingsumar

• Ki Safai karamchari, ki ward-boy, ki nurse, ki nongtrei ASHA, ki paramedic, ki technician, ki doctor bad ki specialist bad kiwei kiwei ki nongtrei ka koit ka khiah kin shah kynthup ha ka Scheme insurance ba kyrpang.
• Kino kino ki nongtrei ka koit ka khiah, kiba dang trei ha ka jingai jingsumar ia ki nongpang Covid-19, ki iakynduh bad katto katno ki jingjia aksiden, kumta u/ka kin ioh ia ka bai lutksan kaba T.50 lak hapoh ka scheme.
• Baroh ki jaka ai jingsumar, ki wellness centre bad ki hospital jong ka Sorkar Pdeng kumjuh ruh jong ki Sorkar Jylla yn kynthup ha kane ka scheme ha kaba 22 lak ngut ki nongtrei jong ka koit ka khiah kin ioh insuranceban iakhun ia kane ka jingpang kaba la ktah ia kiba bun ki ri jong ka pyrthei.

1. Ka PM Garib Kalyan Ann (अन्न) Yojana

• Ka Sorkar India kan nym ailad iano iano, khamtam kino kino ki longing ba duk, ban mad jingjynjar na ka jingbym don ki mar bam namar ka jingthut ha ki lai bnai ban wan.
• 80 klur ki briew kata, ar na ka lai ka jingbun briew ha India yn kynthup hapoh kane ka scheme.
• Manla uwei pa uwei na ki kin ioh arshah na ka hok jong ki ba ki ioh mynta ha kine ki lai bnai ban wan.
• Kane ka jingai jingiarap kalong ka bym donkam jingsiew.

Ki kynja dai: 

• Ban pynthikna ka jingdon ki kynja jingbam ba don proteinsha kitei ki briew ba la kdew haneng, yn ai 1 kilo ki kynja dai sha kawei pa kawei ka longing katkum ka rukom bam jong ki briew ha ki thain bapher bapher ha kine ki lai bnai ban wan.
• Ia kine ki jingbam ba kynja dai yn ai ei khlem jingsiew da ka Sorkar India.

III. Hapoh ka Pradhan Mantri Garib Kalyan Yojana,

Ka jingmyntoi sha ki Nongrep:

• Yn ai ia ka jingsiew ba nyngkong (first instalment) kaba T. 2,000 jong u snem 2020-21 ha u bnai Iaiong, 2020 hapoh ka PM KISAN Yojana.
• Kan kynthup ia 8.7 klur ki nongrep

1. Ka jingsiew pisa hapoh ka PM Garib Kalyan Yojana:

Ka jingiarap ia kiba duk:

• Baroh 20.40 klur ki longkmie kiba don ia ka account PMJDYkin ioh jingiarap pisa ba T.500 shi bnai ha ki lai bnai ban wan.

Ki tyndong Gas:

• Hapoh ka PM Garib Kalyan Yojana, yn ai ei ia ki tyndong gas sha 8 klur ki longiing ba duk ha ki lai bnai ban wan.

Ka jingiarap ia ki briew kiba ioh duna bai nong ha ki organised sector:

• Ki briew kiba ioh bai nong hapoh ka T. 15,000 shi bnai ha ki kam kiba ki nongtrei ki duna ia ka 100 ngut kibadon ha ka jingma ban duh ia ka kam jong ki.
• Hapoh kane ka song jingiarap, ka Sorkar ka tyrwa ban siew 24 percent ka bai nong jong ki sha ki PF account jong ki ha ki lai bnai ban wan.
• Kane kan iada na ka jingthut ha ka kam jong ki.

Ka jingkyrshan ia ki nongshong shnong ba la tymmen (kiba 60 snem shajrong), kiba la iap lok bad kiba don jing duna ha ki dkhot met:

• Ki don kumba 3 klur ki tymmen ba la iap lok bad ki briew kiba don jing duna ha ki dkhot met kiba don hapdeng ka jingeh namar ka jingthut ka kamai kajih namar ka COVID-19.
• Ka Sorkar kan ai sha ki T. 1,000  ban iarap ia ki ha kine ki por jong ka jingeh ha kine ki lai ban wan.

MNREGA

• Hapoh ka PM Garib Kalyan Yojana, yn kyntiew ia ki bai nong MNREGA da T. 20 naduh ka 1 tarik Iaiong, 2020. Ka jingkyntiew ia ka bai nong hapoh ka MNREGA kan bynrap sa T.2,000 ka jingmyntoi ba shi snem sha ki nongtrei
• Kane kan long ka jingmyntoi ia 13.62 klur ki longing.

1. Ki Self-Help group:

• Ki longkmie kiba don bynta ha ki 63 lak tylli ki Self Help Group (SHG) ki kyrshan ia ki 6.85 klur ki longiing.

1. a) Yn kyntiew ia ka collateral free lending na ka T. 10 lak sha ka T. 20 lak
2. Kiwei ki bynta jong ka song jingiarap PM Garib Kalyan

Organised sector: 

• Yn pynkylla ia ka Employees’ Provident Fund Regulations ban ailad ia ki briew ba kin ioh shim advance 75 % na ka account ne 3 bnai ka tulop, kat kaba duna na ka account jong ki namar ka COVID19.
• Ki longing jong saw klur ki nongtrei kiba la pynrung kyrteng hapoh ka EPF ki lah ban ioh ia kane ka jingmyntoi.

Ka Building and Other Construction Workers Welfare Fund:

• La wanrah ia ka Welfare Fund for Building and Other Constructions Workers hapoh ka Central Government Act.
• Ki don kumba 3.5 klur ki nongtrei ba la pynrung kyrteng ha kane ka Fund.
• Yn bthah ia ki Sorkar Jylla ban pyntreikam ia kane ka fund ban ai jingiarap bad jingkyrshan sha kine ki nongtrei ban iada ia ki na ka jingthut ha ka kamai kajih.

Ka District Mineral Fund

• Yn bthah ia ka Sorkar Jylla ban pyndonkam ia ki fund ba don hapoh ka District Mineral Fund (DMF) na ka bynta ban kyntiew bad pyniar ia ki jingdonkam ha kaba iadei bad ka jingleh test ha ka koit ka khiah, ka jingeksamin bad kiwei kiwei ki jingdonkam ha kaba iadei bad ka jingiada na ka jingpur ka COVID-19 kumjuh ruh ban sumar ia ki briew ba shah ktah ha kane ka jingpang.