Maligaon, Jymmang 02: Ka kynhun pulit kaba la buh kyrpang ha ki station Rel, Railway Protection Force (RPF) kila ioh ban pynlait ia kawei ka kynthei kaba dei na ka jylla Andhra Pradesh ha Alipurduar Rel Way Station ha ka sngi u blei bad la aiti noh ia ki sha ki bor jong ka ain ban phah noh ia ka sha la shnong.
Kane ka kynthei ka dei kaba la 35 snem ei ei bad la iohi ba kala iaid sha rum shaneng jong kane ka Relway Station. Haba iohi ia kane ka jingiaid ki pulit jong ka RPF kila kren ia ka bad rah noh bad namar ba ym ia sngewthuh ka ktien namar ka kren ha ka ktien Telegu na ka liang jong ki pulit kila khot ia ki nong pynbatai.
Na ka liang jong u nong pynbatai ia kaktien kaba ia sngewthuh kane ka kynthei kala iathuh ba ka dei na ka shnong Urivi jong ka jylla Andhra Pradesh kaba hap hapoh jong ka Pedana police station jong ka Krishna district.
Haba la ioh ia kane ka jingtip na ka liang jong ki pulit RPF kila pyntip sha kiba ha iing bad la rah ruh ia ka sha iing bishar ban leh ia kaba don kam bad mynta la buh ha jaka sah jong kiba khlem iing ha Coochbehar Shelter Home ha duh ban da poi kiba ha iing.
