Shillong Iaiong 08: Tang hadien shibnai ba la shah pynkup bor kum u MLA ba thymmai jong ka Mawsynram constituency u Bah Himalaya Shangpliang ha ka sngi Saitjain u la leit ban aiti ia ka kali kit nongpang (Ambulance) na ka bynta ki paidbah jong ka dong ka thain khappud ha ka shnong Ryngku.
Ha kane ka sngi la wan ban lang ruh da ki paidbah nongshong shnong kiba dei na kiwei kiwei de ki shnong kiba hap hapoh kane ka thain khappud jong ka thain Ryngku ha ryngkat ruh bad ki nongialam jong ka Mawsynram Block Congress Committee (MBCC) bad kiwei kiwei de ki riew rangbah.
Kane ka jinglah jong u Bah Shangpliang ban ioh ia kane ka Ambulance tang ha ki khyndiat sngi hadien ba u la jop ka pynpaw ba u don shisha ia ka mynsiem na ka bynta ban shikri ia ki paidbah jong ka Constituency hi baroh kawei.Kane ka kali kan ai ia ka jingshakri na ka bynta ki paidbah kiba shong basah ha kane ka dong ka thain khappud.
Haba kren ha katei ka jingialang ban aiti paidbah ia ka kali kit nongpang bad ha kajuh ka por ka jingshah pynkup burom ha ki paidbah jong kane ka dong ka thain u la ong ha ka thain border bun ki jingeh da lah sdang ka jingshit kin don bun ki para nong shong shnong kin ioh ia ki jingpang ba bun jait namar ba kim ioh ia ki dawai kiba biang namar ba kadei ka jaka shit ha ka don khappud
“Dei namar kata ka daw nga la sngewthuh ia ka jingeh jong phi ki paidbah bad mynta ka sngi nga la wan ban aiti ia kane ka ambulance na ka bynta jong phi ki paidbah kiba shong basah ha kane ka thain border” ong u Bah Shangpliang.
Nga kyrpad ia phi tang kawei ba phin ia sumar bha ia kane ka kali namar ba kane kadei ka kali jong phi ki paidbah te ngam kwah ban ioh sngew ba phin ia pyndonkam bakla ia kane ka ambulance bad kane ka ambulance kadei ka jong phi iwei pa iwei bad sngewbha pyndonkam hok ia ka bad sumar bha ia ka khnang ba kan long kata ka nongkynti jong phi ba phin ioh iaka jingshakri jong kane kali haduh ki snem ki ban wan ong u Bah Shangpliang.
Shuh shuh u Bah Shangpliang u la ong “Nga sngewthuh ba ha kane ka PHC ha Ryngku ruh kin don bun ki jingduna bad nga la leit ban ia kynduh ia u minister jong ka koit ka khiah bad nga la ong ba ngi donkam ban buh ia u Dpoctor sa u wei namar ba mynta ngi don tang u wei bad nga la ong ba dang donkam ban buh nurse ruh bad tang mar kumta tang hapoh lai sngi ngi la ioh ban thung ia iwei i nurse hangne ha Ryngku.
U Bah Shangpliang u la iathuh ruh ba u la ioh ia ka order na u minister ka PHE ba ha u bnai Jymmang u SDO ka tnad PHE uba don ha Mawsynram un sa iaid ia kane ka border baroh kawei bad un rung man la ki shnong ban survey ba kumno ban ai ia ka umbam umdih sha ki shnong naduh na Ryngku shaduh sha Dangar.
Naduh ka sngi ba nga jop bad naduh ba sdang ka assembly bad haduh kane ka sngi ngam shem la shongthait na ka bynta ban trei na ka bynta ki paidbah jong ka constituency u la ong.
Shuh shuh kumka dak jong ka jingia burom mar kylliang na ka liang jong u Bah Shangpliang u la ong “Ka jingiet jong nga ia phi kan iai neh kumba nga la pynsngew ha phi naduh ka sngi ba nyngkong eh ha ka por ba nga wan kanbass bad haduh mynta ka jingieit kan dang iai neh namar balei ia phi kham tam ia ki briew kiba duna ha ka ioh ka kot nga sngewthuh ba dei ban ai shwa ia ka kti jong nga ia phi baroh te na kata ka daw nga kyrpad ba phin ia sngew ban pynskhem ia ka jingieit jong phi ba ngan dang ioh iaka jingieit na phi kumba nga ai jingieit ia phi baroh” u la ong.
