Shillong, Naiwieng 10: U Lat jong ka jylla 
u Ganga Prasad mynta ka sngi u la leit jngoh ia ka jaka jongohkai pyrthei ka pung Umkhakoi kaba don ha shnong Mawlyngbna kaba hap hapoh jong ka hima Mawsynram. Ha kane ka sngi na ka liang jong ka shnong kala pdiang sngewbha ia u Lat jong ka jylla ha ka rukom kaba ishongkun.
Ha kane ka sngi na ka liang jong u Lat ka jylla u Ganga Prasad u la pynlait paidbah ruh ia ki lieng kynda ha kane ka pung Umkhakoi ia kaba la tip kum ki “Kayaks” ha ka ktien nongwei. Kaneka jaka jngohkai pyrthei ia kaba la pyniaid da ka shnong Mawlyngbna kala khring ia ki briew na kylleng ka Ri India ban kin poi sha kane ka jaka.
Ha kane ka sngi na ka liang jong ka shnong kala pynpaw ia ka jingsngewnguh haduh katta katta ia u Lat jong ka jylla ba u la wan ban iiuhkjat ha shnong jong ki bad kane ka dei ka sien kaba nyngkong ba u Lat jong ka jylla yn poi sha kane ka shnong kaba don sha khappud bad ka Bangladesh.
Na ka liang jong u Rangbah shnong ka shnong Mawlyngbna u la pynpaw ia ka jingsngewnguh ia u Lat jong ka jylla u ba la wan ban plie ia ka jaka pynieng ia kine ki 6 tylli ki lieng “Kayaks” ha kaba ka ophis jong u Lat ka jylla kala ai sngewbha sha kane ka jaka jngohkai pyrthei.
