Shillong, Iaiong 02: U myntri ba dei peit ia ka tnad sam bam u James K Sangma mynta ka sngi u la iathuh ba ka sorkar mynta ka sngi kala pynlit ia ka pisa T.26,38,75,500/- tyngka banthied khaw 1,17,278 metrik tone u khaw ban die sha ki paidbah banpynlait na 
ka jingduna khaw ha iew ha hat.
Haba kren ha ki lat pathai khubor mynta ka sngi u myntri ba dei peit ia ka tnad sam bam u la ong ba kane ka jingkhang ban ia ialeh pyrshah ia ka khlam COVID-19 kala buh ia ki paidbahha ka jingeh khamtam ha ka liang jong u khaw namar kane kala jia syndet kaba khlem poi pyrkhat.
Kane ka jingthied ka sorkar ia u khaw na ka FCI ban die sha ki paidbah ka long ban pynlait na ka jingduna khaw ha ki iew ki hap bad ia une u khaw lah ban kit na ki kudam jong ka FCI, na ka liang jong ka sorkar ka dang ia pynbeit bad ka FCI na ei ban kit ia u tei u Khaw.
La iathuh ba ka FCI kala dep pyntip sha ka sorkar ba ia mynta u la don u khaw 1000 Metrik tone u khaw kaba ka sorkar kan lah ban phah kit noh. Nalor kane ka sorkar kan ai jingbit ia ki DC ba kin ai jingbit ia ki nongkhaii ba ki lah ban leit thied hi na Assam kum u khaw, ka Umphniang bam bad kiwei kiwei ki jingdon kam.
Haba ia dei bad u Masur Dal ka sorkar kala ia kren bad ka tand sam bam jong ka sorkar pdeng ban ai 5,553.6 kwintal bad ia une dai yn sam ei sha ki paidbah kiba don ration kard shikilo kawei ka card kane ka long na ka bynta lai bnai.
La iathuh ruh ba ha ka jingiakren bad ki DC la pyntip sha ki ba ka don ka skhim jong ka sorkar pdeng kaba la tip kum ka Pradhan Mantri Garib Kalyan yojana, katkum kane ka skhim ka long ban ai ei san kilo sha kito kiba don ia ka kard PHH bad AAY kane ruh kan long na ka bynta lai bnai, na ka skhim Ujala programme ban ai tyndong lyer ei sha ki briew kiba ioh ia kane ka skhim lai bnai.
Na ka liang jong u myntri ka tnad sam bam jong ka sorkar jylla u la pynpaw ia ka jingsngewnguh kaba khraw ia ki briew jong ka tnad sam bam kiba la trei miet la bad sngi ban peit ba kan nym don kano kano ka jingeh ha kaba ia dei bad ka jingpoi ki marbam ha ka jylla, u kyrpad ia ki paidbah ban ia trei lang bad ka sorkar ban but ryntih ia kaei kaba la bthah ban ia leh pyrshah ia kane ka jingpang. La ai khublei ruh ia ki lat pathai khubor kiba la ia trei ryngkat ryngkat bad ka sorkar.
