Pynlait u Dr. Mukul iaka “MYE Card” ban pynioh kam 3 lak ngut da wan ka TMC ha ka bor

Shillong, Kyllalyngkot 05: Mynta ka sngi u nongialam ka party Meghalaya Trinamool Congress (MYC) u Dr. Mukul Sangma, ha ka jingiadon lang u President u bah Charles Pyngrope, bah James Lyngdoh la pynlait paidbah ia ka skhim “MYE Card” ban ai kam 3 lak ngut ki samla ha ki san snem ban wan ynda ka TMC kan thaw ia ka sorkar.

Haba  kren ha ka jingialang kaba la pynlong ha Pinewood u Dr. Mukul u la ong ba ki samla kiba la register bad ka sorkar ba ki khlem kam ki don dang 23,300 ngut, hynrei ka jingshisha ki don da ki phew hajar kiba khlem kam, kane ka skhim kan long ka lynti ban ioh ia ka jingkhein ia ka jingbym don kam ki samla pule.

U Dr. Mukul u la kynthoh ia kane ka sorkar MDA kaba mytna ba kam shym la shim khia ia ka jingbym ioh kam ioh jam ki khun samla, la ong ba kane ka sorkar ha ka jaka ba kan thung kam ha ki 8000 tylli ki kam kiba lait wat ia kine ruh la pynslem, sa kaei pat yn dang ia kren.

U Dr. Mukul la ong ba, haba kren ia ka jingioh kam kam long eh tang ha ka kam sorkar, hynrei kin long ha kiwei ki lynti ruh kiba ki samla kim ioh kam, ioh jam la ong ba ka TMC lada ka wan ha ka bor kala kut jingmut ba hapoh ki san snem kin pynioh kam lak ngut ki briew jong ka jylla.

Ha pdeng ka bor ba ki samla kim pat ioh ia ka kam kumba ka TMC kala pynbna shipor kan ai jingiarap da T.1000/- tyngka man u bnai, kiba lah ban ioh ia kane ka jingmyntoi kan long hapdeng ka rta 21snem haduh 40 snem, ki smala kila ban register lyngba ka website kaba ka party kala ai bad ki nongtrei kam party kinsa wan.

U president ka Meghalaya State Unit u bah Charles Pyngrope ha ba kren ha kane ka jingialang la ong ba kum ka party kala kut  jingmut ba ynda ki thaw ia ka sorkar ha dien ka elekshon u bnai ba ar kin pynrulong ia kane ka jingtyrwa kaba kila tyrwa sha ki paidbah ban pyntreikam.

Ia ka jingialang la pyniaid da u bah George  B Lyngdoh Vice President ha ka jingiadon lang ki nongkit kam ka party, ha kane ka sngi ia ka “MYE Card” la ai nyngkong ha u samla Bony Warjri bad ka samla Odilya Jyrwa, ka jingpynrung kyrteng ki long kmie ha ka “WE Card” kala palat ia ka 2 ngut.

Ha kane ka sngi la don lang ki nongkit kam jong ka party na kylleng ban ia sakhi lang ia kae ka jingpynlait paidbah ia ka skhim MYE Card da ka party TMC na ka bynta ki briew jong ka jylla Meghalaya.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet