Shillong, Kyllalyngkot 07: Ha ka jingialehkai phainal ha ka “National Championships of the Reliance Foundation Youth Sports Football” kaba la long mynta ka sngi ha Navi Mumbai hapdeng ka Shillong College Higher Secondary Section kala jop da ka 5-4 pyrshah ia ka Malabar Special Police Higher Secondary School.
Ka jingialehkai ka long kaba itynnad ha kaba kims hym la lah ban ia thep ha ka por jingialehkai bad la hap ban pynlong noh da ka jingiakynjat phinalty. Ha kane ka jingiakynjat ka Shillong College kala ioh thep san kol bad ka Malabar Special Police Higher Secondary School kala ioh ban thep saw kol.
Ha kane ka jingialehkai u samla jong ka Shillong College u Freddy Warbah u la ioh ia ka “Golden Glove award” na ka liang jong ki shynrang kiba la heh bad u Baiaikara Swer u la shah niew kum u “Man of the Match” ha kane ka jingialehkai phainal. Kane ka long ha ki jingialehkai jong kiba heh.
Ha ka jingialehkai jong ki khynnah ka Junior Boys Category St.Anthony’s Higher Secondary School kala jop pyrshah ia ka Maharana Pratap Sports college da shikol. Ha ka jingialehkai jong ki samla kolehj u Robert Khongjoh jong ka Shillong College u la ioh ia ka khusnam “Golden Ball bad Golden Boot”.
Ia ka baibam la air uh na ka bynta u Justerwell Tham jong ka St Anthony’s school, u Freddy Warbah jong ka Shillong College HSS, Kitboklang Khyriem jong ka Shillong College HSS bad u Robert Khongjoh jong ka Shillong College.