Pynlong ia kop dro ha Lions Club Shillong halor ka phang “ ka jingsbun kaba don kam”

Shillong, Nailur 28: ka kynhun ‘Lions Club na  Shillong’ kan pynlong ia ka ‘Lions International Peace Poster Contest’ ha ka 9 tarik u bnai Risaw ban wan ha ka por 10 baje mynstep hapoh  Lady Keane College auditorium.

Ka phang pdeng jong kane ka jingiakop dro dur ka long “Kindness Matters”  ha ka ktien khasi kaba mut “ Ka jingsbun kaba don kam”. Ka jingthmu jong kane ka jingiakop dro dur ka long ban ai lad ia ki khynnah kiba hapdeng ka rta 11-13 snem ba kin pynpaw ia ka jingsngew jong ki ia ka jingsuk ha ka pyrthei da ka jingdro jong ki.

Ki dur kaba ki nongiashim bynta kaba ki hap ban dro kan long ha ka jingheh 30″ x 20″ lane  20″ x 24″. Un nym shah ia ki khynnah kiba ia shim bynta ba kin thoh kano kano ka jingthoh ha ka kot ban dro jingdro ha kane ka sngi ba ki wan ban ia shim bynta, yn pdiang tang ia ki jingdro.

Ki khynnah kiban ia shim bynta ha kane ka jingiakop dro na kylleng ka pyrthei kin long haduh 6 lak ngut ki khynnah na ki 75 tylli ki ri jong ka pyrthei ha kane ka jingiakop dro dur bala pynbeit da ka seng kmie ka  Lions Club International.

Nong jop ha kane ka jingiakop un ioh ia ka pisa $5000 ka pisa ia pein jong ka Ri America, ia u ne ka nongjop ka seng kan sa bei pisa ia ka baileit bai wan ia u nongjop bad ia ar ngut ki nongsynran. Katba 23 ngut kiwei pat ki ban shah jied kin ioh ia ka pisa $500 UD jong ka ri America.

Ka Lion Club Shillong ka pynkynmaw ba ha u snem 2013-2014 ba don kum kane ka jingiakop dro u Tongbram Mahesh Singh na  Imphal u la ioh ia ka khusnam lah duh ha katei ka jingiakop dro. Kiba kwah ban ia shim bynta ki kylli jingtip na u sharman kane ka jingiakop dro u bah Louis Pyngrope da kaba phone ha une u number 9436116905 bad ha u Dilip Kumar Bose bad u number u dei  9436706932.

 

 

What Next?

Recent Articles

Leave a Reply

Submit Comment

*