Shillong, Nohprah 17: Da ka jingpynleit jingmut ban pynneh pynsah ia ka mariang, ka kynhun “Choral Evangelists” kala pynlong ia ka jingiakop rwai Khristmas halor ka phang ban pynneh pynsah ia ka mei mariang ia kaba la pyniaid da u Barnes Mawrie SDB.
Ha ka jingkren jong u Bah RV Lyngdoh myntri kam pynroi sor u la ong ba “ ngi dei ban long ki briew kiba nang ban burom ia kiwei bad khamtam eh ia ka mai mariang namar u khun u blei u la jied ban wan sha kane ka sla pyrthei. Kiwei kiba la ia don lang ki long u Bah Embhalang Syiemlieh MLA jong ka Mawlai, u Arch Bishop Dominick Jala.
Kumba ka long mynta ia kane ka jingleh kmen Khristmas kala dei ban por ban aiti ia kane ka jingleh kmen na ka bynta ban pynneh pynsah ia kane ka mei mariang, la ong u Phadar Barnes ba pyniaid ia kane ka jingiakop rwai.
Nalor ki jingrwai la don ruh ki jingialeh kai ia laba la leh da kla kynyhun jong ki khynnah kiba dang pule sister na ka kynhun seng niam Visitation Sisters of Don Bosco (VSDB) jong ka Upper Shillong. Kane ka jingleh kmen Khristam ka la pynshoh biej ia ki wan jngohkai.
