Pynlong jinghikai ka MLCU ban pyrshah ia ki kam kynshlein ia ki kynthei

Shillong, Lber 07: Ka skul bah MLCU kala pynlong ia ka jingai jinghikai ban pynsngewthuh ia ki briew kumno ban ia leh pyrshah ia ki kam kynshlein ia ki kynthei ia kane ka jinghikai la pynlong da ka tnad pule Social work.

Na ka liang jong ka MLCU ka don ka jingsngewkhia halor ka jingkiew jong ka jingshah kren kynshlein jong ki kynthei ha ki lynti syngkieng. Na ka liang jong kane ka skul bah ka kwah ban wanrah ia ka jingkylla ha ka pyrkhat pyrdain ha kaba ia dei bad kane ka bynta da kaba pynlong ia kane ka jingialehkai ha surok.

Na ka liang jong ka tnad pule ba dei ia ka Social Work ka shim ba kane ka jingle ka dei ka kam runnar ha kaba don kam ia ka jinghikai ban pynsngewthuh ia ki paidbah. Ha kane ka jingialehkai la ia shim bynta da ki nonghikai jong kane ka skul bah bad ki samla pule jong kane ka skul bah.

Kane ka jingshah leh kynshlein ia ki kynthei ka jia ha kiba bun ki jaka ka long ha ki jaka pule, ki lynti syngkieng ba ki iaid wad ha ki jaka trei ruh kum juh. Ia kane ka jingle ka long pyrshah ia ka ain bad katkum ka ain dei ban pynshitom ia kiba leh ia kane ka kam. Na ka liang jong ka MLCU ka kyntu ia ki ba ngat ha kum kine jingjia dei ban pyntip sha ki pulit.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet