Shillong, Naitung 
29: ka Mrs India Universal, kong Sabina P Warjri mynta ka sngi kala pynlong ia ka jingsumar bad ai dawai ei ia ki khynnah kiba hapoh ka shiphew snem ka rta ha R B Anoop Chand Hindi Secondary School, ha kaba da ki spah ngut ki khynnah kila ioh jingmyntoi.
U Dr Shahid Tapadar u ba la ai jingkren ha ka jingialang kaba lyngkot shuwa ban sdang ka jingai jingsumar u la ong ba ki khynnah ha India ki don haduh 20 million ngut, hynrei ka jingkhlad noh jong ki khynnah kaba bun eh dei ha kane ka jylla Meghalaya. U la ong ba ka jingiaroh ia ka Mrs India Universal kaba la shim ia kane ka shien jam kaba bhatam.
Ha ka jingkren lyngkot jong ka kong Sabina kala ong ba, ban ioh ia ka jingkoit jingkhiah kaba don kam eh kalong ban leh khuid bad haba don ka jingkhuid jingsuba ka jingpangjingshitom ruh ka kham duna. Ka kyntu ia baroh ki khynnah ba kin long kiba leh khuid ban ioh ia ka jingkoit jingkhiah. Kine ki doctor kiba la wan ban ai jingsumar ki dei na Guwahati.
