Pynlong jongialang ba ar sngi  ka skul bah MLCU halor ka phang “First Aid in Tourism”

Shillong, Jymmang 29: Ka tnad pule jngohkai pyrthei  jong ka skulbah Martin Luther Christian University ha ryngkat ka jingiatreilang bad ka Department of Allied Health Sciences ka la pynlong ia ka workshop halor ka phang “First Aid in Tourism” ha ka 28 bad 29 tarik u Jymmang 2019. Ki khynnah pule na ka Department bad ki khynnah bad nonghikai na ICFAI University bad Lady Keane College ki la wan iashim bynta ha kane ka workshop.

Ka jingthmu ba kongsan ba la pynlong ia kane ka workshop ka long ban ai jinghikai ia ki khynnah kumno ban ai jingiarap (first aid) haba lap ka pang ka jhia lane ka mynsaw ka mynsnam ha ka jing shangkai pyrthei.

U samla Gregory Alya Warjri, u nongsdang ia ka NOMADS u la sdang ia ka workshop da kaba iathuh shaphang ki jingshem jong u kum u nongialam jngoh kai pyrthei (tour guide) u da ban ia ka jingdonkam jong ka jinghusiar haba leit shang kai pyrthei. U la ai buit ruh ia ki khynnah ia ki lad ki lynti ba ki lah ban leh ban iada ialade haba ki leit shangkai pyrthei lane haba ki iarap iano iano ba don hapdeng ka jingma.

Hadien kane, la bud sa ka jingai jinghikai jong ka AHS Department ha kaba ki nonghikai ki la batai ia ki rukom teh bandage, ka jingai Cardio Pulmanory Resuscitation (CPR) bad kumjuh ia ki lad ai jingiarap ia kiba ing ding, khein lane khylliah shyieng lane kiba shah diat mrad lane khniang.

 

 

What Next?

Recent Articles

Leave a Reply

Submit Comment

*