Shillong, Naiwieng 05: Ka skul jong ki shipai BSF kaba don ha Umpling mynta ka sngi kala pynkut ia ka taiew peitngor ia ka jingialang la pynlong ha BSF Senior Secondary School, Umpling, Shillong ia kaba la pyniaid da ka Abha Sharma, Principal of the school.
Ia kane ka jingrakhe ia ka taiew peitngor la sdang naduh ka 31 Risaw bad la pynkut mynta ka sngi 5 Naiwieng 2022, ha kane ka taiew la pynlong ia ka jingthoh ia ki poster, jingiakop thoh Ese, ka jingiatyrko halor ka phang ka jinglong jingman ka bamsap ha ka Ri.
Baroh ki samla pule kiba la wan ban ia shimti ha ka jingiatyrko kila pynsngew ia kaei kaba ki don ban ong ia ka jinglong jingman ka bamsap bam pong hapoh ka Ri, ki samla kila kren naduh ka dohnud ia kaei kaba ki don ban kren.
Ha kane ka sngi pynkut ia kane ka jingrakhe ia ka taiew peitngor u Inderjit Singh Rana, IG BSF Meghalaya u la ai khublei ia baroh ki samla pule kiba la ia shim bynta ha kane ka jingrakhe bad u la sam ia ki khusnam sha ki nongjop bad u la ai mynsiem ia ki samla pule ia ka jingkren ka jong u .
