Pynlong ka DoT ia ka seminar halor ka phang ‘Electromagnetic Radiations na ki Mobile Towers

Shillong, Risaw 14: Ka tnat Telecommunication (DoT), Shillong License Service Area (LSA) ha ka sngi Balang sngi ka la pynlong ia ka jingiamir jingut halor ka phang ‘Electromagnetic Radiations from Mobile Towers bad Telecom Analytics for Fraud Management and Consumer Protection (TAFCOP)’ ha nongbah Shillong.

Ka jingmut jong kane ka dei ban kyntiew jingtip shaphang ka jingdonkam ia ki tower mobile bad ban ai jingpynshai shaphang ki jingngeit bakla shaphang ka radiation na ki tower mobile khnang ban weng ia ki jingsheptieng jong ki briew da kaba ai ki jingpynshai katkum ka jingshem science mynta.

Ia kane ka seminar la pynlong kum shi bynta ka Azadi Ka Amrit Mahotsav bad ka  prokram public advocacy jong k DoT ban rakhe ia kane ka sngi bad ruh ban wanrah ia ka Atmanirbhar Bharat da kaba pynthikna ka jingdon ka network kaba khlain bad ka jingshakri kaba pura.

Ka kynhun ki ophisar bad ki riewshemphang na ka tnat Telecom, uwei u doktor ki la iakren shaphang ki jingsheptieng jong ki briew bad ki la pyni shai ba bun na kine ki dei ki jingngeit bakla ha kaba iadei bad ka jingktah ia ka koit ka khiah namar ka radiation na ki tower mobile.

Ha ka jingpdiang ia ka Seminar, u A.K. Jain, DDG (Compliance), DoT, North East LSA, Shillong, u la ong “Ka DoT ka peit ia ka jingpynmih EMF ki tower ha kylleng ka India bad ka pynthikna ba ki bat ia ki kyndon. Ki LSA ki leh peit hi ruh ia ki jaka bad ki thew ia ki signal EMF ha ki jaka kiba don hajan kine ki tower.”

Shuh shuh, u A.K. Sahu, Sr. DDG, DoT, North East LSA, Shillong u la ong, Ka kam telecommunication ka pynkup bor ia ki briew bad ka dei ka atiar na ka bynta ka roi ka par ha ka ioh ka kot bad ka imlang sahlang jong kano kano ka ri.

Ka dei kaba donkam bha na ka bynta ka roi ka par kaba stet bad ka jingpynthymmai ia ki kam ba iadei bad ka ioh ka kot. Khnang ban pynbiang ia ka jingshakri telecommunication sha ki briew, ka jingpyniar ia ki network mobile bad ki tower ka dei ka bym lah lait.

Kum shi bynta ka jingpyni shaphang ka EMF radiation, u K. Sri Krishna, DDG Mizoram, DoT, North East LSA, u la kren shaphang ka jingdonkam ia ki mobile phone mynta. U la kren ruh shaphang ka low – level Electro Magnetic Field emanation na ki tower mobile.

“Ka EMF radiation ka dei ka bording RF bad Electromagnetic kaba mih na ki antenna jong ki tower mobile bad ki mobile phone bad kine ki dei ki non-ioniing bad kiba duna jingkhlain. Katkum ki jingshem, la lap ba ym don kano kano ka jingpynshisha ba ka don ka jingma na ka EMF radiation na ki tower mobile.”

Shuh shuh ki jingmih EMF na ki tower mobile, kiba long kiba shngain katkum ki kyndon ka International Commission on Non-Ionizing Radiation Protection (ICNIRP) bad kumba la ai jingmut da ka World Health Organisation (WHO), kim don kano kano ka jingpynshisha ba ki ktah ia ka koit ka khiah.

U A. Robert Jerard Ravi, DDG (Compliance), DoT, AP LSA, Vijaywada u la ong ba baroh ki kompani ai mobile network ki pynthikna ba ki jingpynmih radiation na ki tower mobile ki long hapoh ki kyndon ba la buh da ka DoT.

Ka jingpynshisha shaphang kane ka dei kaba ki hap ai sha ki DoT, ki field unit haba ki plié ia ki, haba ki don ki jingpynkylla bad ruh man ka ar snem, lai snem. Baroh ki mobile tower ki sdang treikam tang haba ki la pyndep ia kane.

U Dr. Arun Chougule, Senior Professor & Head of the Department of Radiological Physics, SMS Medical College bad Hospitals, Jaipur u la ai jingmut bad pynshai halor ki jingngeit bakla shaphang ki tower mobile.

“Ki jingwad bniah katkum ka jingstad science ha kane ka phang ki la pyni ba ym don ka jingiadei hapdeng ka radiation na ki tower mobile bad ka koit ka khiah jong ki briew,” u la ong. Kam don kano kano ka jingpynshisha ia kane ka jingngeit shaphang ki tower mobile.

U la bynrap ba ki low powered non-ionizing radiation kiba mih na ki tower mobile kim don jingktah ia ki briew ne ki mrad. Hadien ki jingwad bniah, ka WHO ka la rai ba ym don jingma ia ka jingim briew ne kano kano ka jingktah ia ka koit ka khiah na ki EMF radiation.

Ka la don ruh ka bynta ba ai jubab ia ki jingkylli ha kaba kine ki riewshemphang ki la ong ba ki kam mobile ki dei kiba donkam bha mynta. Ka don ka bynta kaba khraw ha ka jingthmu jong ka Sorkar ban don ka ‘Digital India.’ Ia kane ka jingiamir jingmut la pynkut da ki kyntien jong u P.C Sharma, Director (Compliance), DoT, North East LSA, Shillong.

Ki ophisar Sorkar, ki riew shimet, ki nonghikai kolej, ki nongai jingshakri mobile network, ki nongpynbiang ia ki jingdonkam bad kiwei kiwei ki ophisar ki la iashim bynta ha kane ka seminar.

Kito kiba la ai jingkren ki kynthup u A.K. Sahu, Sr. DDG, DoT, North East LSA, u A.K. Jain, DDG (Compliance), DoT, North East LSA, Shillong, u K. Sri Krishna, DDG Mizoram, DoT, North East LSA.

U A. Robert Jerard Ravi, DDG (Compliance), DoT, AP LSA, Vijaywada, u Dr. Arun Chougule, Senior Professor & Head Department of Radiological Physics, SMS Medical College & Hospitals, Jaipur bad u P.C. Sharma, Director (Compliance), DoT, North East LSA, Shillong.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet