Shillong, Nailar 06: U President jong ka Kynshi Bangla Social and Cultural Sport Club (KBSCSC) u bah Aiban Syiemlieh u la iathuh ba ka seng kan pynlong ia ka jingiakop kynjatbol ha ka sien kaba ar ka ban sdang ha ka 24 tarik mynta u bnai ha shnong Kynshi bangle bad ka khusnam ia ki nongjop kan long lai lak tyngka bad ia u kiba wan baa r kan long shilak tyngka.
Haba jubab ia ki jingkylli u Bah Aiban, u la ong ba ka jingpynheh ia ka khusnam ka long ban khring ia ki kynhun ia lehkai ba kin wan ban ia shim bynta ha kane ka jingiakop kynjatbol kaba la pynbeit da ka seng. La iathuh ba haduh mynta kam pat don kano kano ka jingkhang ha kaba buh dor ia ka khusnam la ka long na ka sorkar ne na ka Meghalaya Football Association.
La iathuh ba baroh ki kynhun kiba la kwah ban ialehkai ki long 23 tylli hynrei ha dien ba la bishar bniah la shim noh tang 16 tylli namar ka jingialehkai ka shah tang 16 kynhun. La iathuh ba bun ki kynhun ialehkai kiba paw mynta kila wan ban ia shim bynta, laitnoh an Garo Hills, hynrei na ri lum khasi la jan baroh ki District kila ia poi.
Kane ka Madan ban pynialehkai ha Kynshi ka dei ka madan katba la iaryngkat bad ki jaka ialehkai ha ka kyrthei namar ka jingeh jong ka ka long 105 metter ka jingjrong bad 68 meter ka pynkiang. La iathuh ba kaj ingialehkai kan long tang ha ka sngi iew kynshin kaba long shisien shitaiew.
