Shillong, Lber 24: Ka Khasi Cultural & Social Services Society(KCSSS) mynnin ka sngi haka 22tarik mynta u bnai
la ioh ban pyndep ia ka “Free Medical Checkup-cum-Health Awareness Campaign” kaba la pynlong hapoh ka Shnong Phlangwanbroi ha kaba ki paidbah palat ia ka 400 ngut ki la ioh ban iashim bynta da ka jingshakri jong ka Seng lyngba ka “Help & Care Mission” ka committee kyrpang jong ka Seng.Ha katei ka sngi nalor ka jingiarap lyngba ka jings
umar laioh ruh ban sam ei ia ki dawai kaba ki paidbah ki donkam kumba la bthah na ki doctor.
Katba ki paidbah ki dang ap ban ioh ia ka jingsumar la ioh ruh ia ka jingpynshai paidbah kaba kham bniah napoh ka ophis jong ka Meghalaya Aids Control Society kumjuh ruh napoh ka RNTCP jongka TB Hospital ha kaba iadei bad ka koit ka khiah ba kumno ban iada bad sumar ialade haba ioh ia ka jingpang HIV/AIDS bad Tuberculosis (TB).
Ha kawei pat ka bynta na kaliang u Samla Banshai Marbaniang uba dei u chairman jong kane ka seng laioh ruh ban n
oh synniang da ki jingiarap kiba kyrpang sha ki longing kiba duk kumjuh ruh sha ki briew kiba don ka jingduna ha ki dkhot met ha katei ka shnong haduh 40 tylli ki jainkup thiah (Blanket).
Haba ai ia ka jingkren kum u nongialam u Bah Banshai Marbaniang u la pynpaw ruh ia ka jingsngew diaw ha kaba iadei bad ka koit ka khiah ha kaba ki bor Sorkar lyngba ka tnat jongka koit ka khiah ki dang iai klet ha kiba bun ki bynta ban ai ka jingshakri ia ki paidbah khamtam sha ki thain nongk
yndong.
U Bah Banshailang u la ong “ Na kaliang jongnga kum u nongtrei mon sngewbha ha kaba iadei bad ki kam paidbah nga iai bat ia la ka kular ban dang iai don ryngkat ban shakri ia ki paidbah kat kaba sngew iahap da ka buit ka bor da ka jing synran ryngkat lang U Blei Trai Kynrad najrong”.
Haba pynpaw ha kaba iadei bad ki jingiarap kiba
la theh shaki paidbah lyngba ka seng sha katei ka thaiñ Mawsynram kamdei ka kamram ban ia nujor bad kiwei pat pynban lada kum ki briew kiba don ia ka mynsiem sngewieit la donkam kyrkieh ban phai khmat da ka jingshakri bad iatylli ymtang ha kipor election namar teng teng kanlam sha kaba bakla khamtam ha kaba iadei bad ki paidbah.
U la pynaw ruh ba kidon shibun bah ki kam kiba dei ban trei lada don shisha ia ka mynsiem jingieit ia la ka jong ka dong ka thaiñ khamtam ha kaba iadei bad ka jaidbynriew baroh kawei.
Ka Seng kamlah ban khlem da ai khublei kyrpang ia ka jingiarap napoh ka office DMHO, EKHD kumjuh na ki Doctor napoh ka CHC Mawsynram lyngba ka jingialam I Dr. M.Diengdoh kumjuh ruh ia ka Malai Sohmat U.P.School kaba la ailad bad shah sngewbha ia ka seng ban pynlong ia kane ka prokram ai jingiarap ia ki paidbah lem da ka jingiadon ryngkat lang u Rangbah Shnong Bah. R.Sohmat kumjuh lem bad ki dkhot jongkatei ka Shnong lem bad ka office MACS bad RNTCP kiba la don ryngkat lang ha kane ka sngi badiwei kiwei kiba la iarap lang ha katei ka sngi.
