Pynlong ka KSU ia ka jingiakynduh lang ia ki samla pule ba dang wan ha skul bah NEHU

Shillong, Risaw 24: Mynta ka sngi ka KSU NEHU Unit bad ka NEHU HHU ki la pynlong ia ka jingiakynduh lang jong baroh ki samla pule na ka Jaidbynriew Khasi kiba pule ha skul bah NEHU bad ruh ban pdiang sngewbha sha ka iing ia ki samla pule Khasi kiba dang shu sdang ia ki jingpule jong ki ha NEHU. Ia kane ka prokram la pynlong ha Multi-Use Convention Hall ha NEHU ha ka por 11 baje mynstep.

Ha shwa ban sdang kane ka Freshers’ Meet la ioh ban pyntian smai ia ki nongkitkam bathymmai ka KSU NEHU Unit da u samla Donald V Thabah, GS KSU CEC. Ia ka KSU NEHU Unit la lam khmat da u samla Pynshai Dkhar kum u President uba pule ha ka Law Department bad u ba dei na ka shnong Wapung, East Jaintia Hills.

Kiwei ki nongkit kam ki long u samla Yshua Lyngdoh kum u Vice President uba pule ha ka Environmental Science Department, uba dei na ka dong Mawkhar bad u samla Richest Malngiang kum u General Secretary uba pule ha Law Department bad uba na ka shnong Shella.

Ha kane ka sngi u Kongsan u long u samla Lambok Starwell Marngar, President KSU bad u symbud kongsan u long u samla Shemphang Lang Lyngdoh Mawphlang, Vice President KSU.

Ha ka jingkren jong u, u samla Lam u la kren ai mynsiem ia ki samla pule ka NEHU ba ki dei ban don jingkyrmen ha ka jingialeh bad jingpule ka jong ki khnang ban wanrah ia ka lawei ba phyrnai. U samla Shem u la kyntu ia ki samla ba kim dei ban long kiba khwan myntoi shimet ban ia pein ia ka Jaidbynriew tang na ka bynta ka nam bad ka bor.

U samla Donald u la khot ia ki samla pule Khasi ba kin long kiba ia tylli namar ki bun ki bor ba napoh iing bad nabar kiba thmu ban pharia ia ka Jaidbynriew ha ka kyrteng jong ka niam.

Hadien kane la don ka bynta ka ba ar ha kaba la pynlong ia ka jingkiew rynsan ia ki samla pule ka First Semester kum shi bynta ban pynithuh ia lade ha khmat baroh. Kane ka program ba ar ka long ruh kum ka jingiakhun ban ioh ia ka nam Lasubon bad Rangdajied jong u snem 2019 ha kaba la la don ruh ki nongbishar kiba kynthup ia u samla Ostarnic Marbaniang Assistant  Organising Secretary, KSU.

Ka kong Clara Bamon Research Scholar bad u samla Bankerkordor Kharbisnop (Research Scholar). Hadien ka jingiashim bynta ba shit rhem jong ki samla pule ka NEHu ia ka nam lahduh la ioh rah da ka samla Wanhun Marwein kum ka Lasubon 2019 bad u samla Firstmonthborn Lyngkhoi kum u Rangdajied 2019.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet