Shillong, Risaw 03: Ka seng Mawlai Cleaner Association bad ka Police Training School kila pynlong ia ka jingai jinghikai ba kumno ban pynkylla sboh ia ki jaboh kiba mih bad ha kane ka jingai jinghikai la wan ban ia shim bynta da ki 20 tylli ki shnong kiba don sawdong jong ka PTS.
Ha kane ka sngi kiba la ia don lang ki long u Deputy Commissioner jong ka East Khasi Hills u Bah PS Dkhar, u principal jong ka skul PTS u Bah Vivek Syiem, u Bah Lakador Syiem bad ia ka jingialang la pyniaid da u Bah Barthol Sohlang President ka MCA.
Haba ia dei bad ka jinghikai kumno ban pynmih ia ka sboh na ki jaboh jabain kiba mih man ka sngi ia kane ka bynta la leh da u bah Markwest Kharkongor. Ha kane ka jinghikai na ka liang jong kiba la wan ban ia shim bynta kila ioh ia ka jingmyntoi ba kumno ki jaboh kin long ki jingmyntoi da kaba pynkylla sboh iaki.
