Shillong, Kyllalyngkot 18: ka Regional Resource Centre (NEIGRIHMS), ha ka jingiatrei lang bad ka ERNET India, New Delhi hapoh ka jingkyrshan jong ka Tnad Ka Koit Ka Khiah ka la pynlong ia ka jingai jinghikai halor ka phang “e-Classroom Management” na ka bynta ki ophisar bad ki Technical Staff jong ki Medical College jong ka Thain Shatei Lam Mihngi.
Kine ki nongtrei la phah da kine ki Medical College sha NEIGRIHMS bad ki la ioh ia ka “hands-on-training” ha ka jingpyntreikam (running) bad jingpynneh (maintenance) ia ki kor ki bor jong ka Video Conferencing kaba la biang nadong shadong kaba la bun ban pyntreikam (install) ha ki hynriew tylli ki Medical Institution jong ka Thain Shatei Lam Mihngi.
Ki hynriew tylli ki jaka pule doktor kiba don sha katei ka thain lam mih ngi jong ka Ri India ki long ka, Regional Resource Centre, NEIGRIHMS, Meghalaya, Guwahati Medical College, Guwahati, Assam, Assam Medical College, Dibrugarh, Assam,RIIMS, Imphal, Manipur, Christian Institute of Health Sciences and Research, Dimapur, Nagaland bad ka Agartala Medical College, Tripura.
Ka NEIGRIHMS ka dei ka Nodal Headquarter na ka bynta ki Telemedicine Service ha baroh ka Thain Shatei Lam Mihngi kaba kynthup ia ki phra tylli ki jylla jong ka Meghalaya, Assam, Nagaland, Manipur, Arunachal Pradesh, Sikkim, Mizoram bad Tripura.
Ha ryngkat bad kine ki hynriew tylli ki Medical Institution na ka Thain Shatei Lam Mihngi, ki nongtrei na ki 44 tylli ki Medical Colleges la ai jinghikai ha kajuh ka por lyngba ka Video Conferencing. Kine ki program ki thmu ban pynthikna ba ia kine kor ki bor kiba la bha bad biang lut nadong shadong la pynneh bha bad la pyndonkam bha na ka bynta ban hikai, ban ai jinghikai, ban iathuh shaphang ka jingai jingsumar ha ka koit ka khiah sha baroh kawei ka Ri khnang ba ka jingai jingsumar ha ka koit ka khiah kan long kaba bha tam (quality) bad kaba lah ban ioh (affordable) da u briew uba ieng khatduh eh ha ha u lain.
Kane ka jingai jinghikai ka thmu ban pynthikna ia ka jingiasoh kaba suk jong baroh ki program jinghikai bad jingai jinghikai ha ka Thain Shatei Lam Mihngi ha ryngkat bad kiwei pat ki Medical Institution kiba heh ha baroh kawei ka Ri India. La kyrmen ba kine ki jaka treikam kin iarap ia ki Medical Institution kiba don kham sha jngai ban jop ia ka jingduna jong ki nonghikai kiba tbit ha ka medicine, nursing bad kiwei pat ki paramedical course.
La khmih lynti ruh ban pynheh ia ka jingai don jong ki specialist bad kumjuh ka jingai jingsumar kaba biang ha ka koit ka khiah kat shaba sngew donkam. Ka NEIGRIHMS ka la lah ai jingshakri ha ka liang jong ka Ka Tele-evidence (kaba la iarap ia ka ri ym dei tang ha ka liang ka jinglut jingsep ha kaba ki doctor ki leit kylleng ka ri ban it jingtip ba bniah, hynrei ban pynthikna ruh ba ka jingbymdon jong ki medical personnel kan ym ktah ia ka kam bad ia ki nongpang haba ki leit ban it jingtip.
Ka Tele-health care ha ka liang jong ka Palliative Care –kaba kynthup ia ka jingai jingshakri sha ki nongpang kiba don ha ki iing lajong kiba don ha ka bynta kaba khatduh eh jong ka jingpang. Ka Neuro surgery ka ban sa sdang shen ia ka Tele-follow-up ia ki nongpang kiba wan na kiwei pat ki jylla, kiba la shah puid ha NEIGRIHMS bad kiba la phah noh sha iing. Ka NEIGRIHMS ka la thmu ruh ban don ka jingshakri lyngba ki Tele-Ambulance sha ki nongkyndong ki bym ioh ia ki jingai jingsumar ba thikna.
