Shillong, Nailur 11: Ka Tnat Orthopaedics, NEIGRIHMS ryngkat bad ka jingiatreilang jong ka North East Regional Orthopaedic Surgeons Association and Arthroscopy Society of North East kan pynlong ia ka Regional CME cum workshop halor ka “Arthroscopy and Sports Injuries” ha ka 26tarik u Nailur 2018.
Ia ka “Live Arthroscopic reconstruction of torn posterior cruciate ligament (PCL) and a Bankert’s repair” na ka bynta ka jingshna pat iaka jingkhloit ka tyrpeng ba shong synjor, yn leh na ka bynta ka jingmyntoi jong ki doktor shyieng ha katei ka jingpyni. Ka jingpyni kan iarap ia ki doktor shyieng ban sumar ia ki nongpang kiba mad ia ki jingmynsaw ba har rukom, kyrpang ia ki jingmynsaw ha ka por ialehkai.
Ia kaba mynta hi, kiba mynsaw na ki jingialehkai ki leit sha ki sor bah naka bynta ka jingsumar. Kane ka jingpyni markhmat halor ka jingpuid ka long ban khmih bad peit bniah ia ki buit bad rukom thymmai ban shna pat iaka jingkhloit jong ki mat bad tyrpeng ba ki khot ka “PCL reconstruction of the knee and Bankart’s repair of the shoulder with knotless techniques”.
Ki doktor shyieng ba pawkhmat, u Prof. Davinder Singh na Safdar jung Hospital, New Delhi, u Prof. R. K. Baruah, u Dr. Iran Bharali kin long ki nonghikai kyrpang ha katei ka jingpyni.
