Shillong, Jylliew 23: Ka Mawlai Cleaner Association ryngkat ka jingiatreilang bad ka NYK mynta ka step sngi saitjain ka la pynlong ia ka jingai jinghikai ia ki khynnah bad ki samla ka shnong Mawlai kumno ban long kiba shait ba khlain lyngba ka jing lehkai kyllan met ( Yoga) , kane ka dei ka sien kaba nyngkong eh ba ha ka shnong Mawlai ba ka la lah ban pynlong ia ka YOGA ,bad ia kane ka jing ai jinghikai la pynlong ha Indoor stadium Mawlai Mawdatbaki .
Ha kane ka sngi ia kane ka YOGA la wan ban ai jinghikai da ka Sangeeta sharma kaba wan na ka Club Patanjali yog samiti shillong kaba don ha Police bazaar. Ia kane ka jingialang la pyniaid da u bah Barthol sohlang na ka liang u bah Barthol haba ai jingkren kum u nongialam ka Mawlai Cleaner Association u la ai mynsiem ia kine ki khynnah samla, ba ki dei ban long ki ba smat ia kane ka jait jingialehkai namar kum kane ka jingkyllan met ka iarap ia ka koit ka khiah.
La ong ba bunsien hi dei ban long kiba smat ba sting ban wan ia shim bynta ha kum kine ki jing kyllan met , u la kyntu jur ia ki nong shong shnong ka shnong Mawlai ba ki dei ban pyrshang ban leh ia kum kine ki jingkyllan met khnang ban ioh ia ka met kaba shait ba khlain .
Kumjuh ruh u la pynpaw ka jingkmen kaba khraw iaki para dkhot kiba trei shitrhem ban pynurlong ia kane ka programme na ka bynta ka jingmyntoi ia ka shnong mawlai baroh kawei , ha kane ka step na ka liang ka headmistress jong ka skul om roy lem bad ki nonghikai naka skul ki la wan ban sakhi lang ha kane ka sngi .
Na ka liang ka nonghikai kyllan met ha kane ka sngi ha shwa ba kan ai ia ka jinghikai ka la ai shi kyntien ar kyntien ha kaba ia dei bad ka yoga, bad ka la ai jingiaroh shi katdei eh ia kine ki artylli ki kynhun kiba la pynlong kum ia kane ka programme , namar ka la ong ba kham iar ban ioh sngew ba ha kine ki thain mawlai ba kin pynlong kum ia kane ka jing kyllan met yoga.
Ka Sangeeta Sharma kala ai mynsiem ia ka MCA ka kynhun kaba la mih sha khmat na ka bynta kane ka programme , kumjuh ruh ka la ong ia ki nongshah hikai ba ki dei ban pyrshang ha la iing man ka step khnang ba kin lah ban kham pynsting bad ba kin ioh Ia ka met kaba koit ba khiah .
Ki nong ia shim bynta ruh ki ba la wan sha kane ka jing ai jing hikai ki la pynpaw ia ka jing kmen kaba khraw namar ba ka dei ka sien kaba nyngkong eh ia ki ba kin ioh ban ia shim bynta ha kum kine ki jing ia lehkai namar ka long shisha kaba iarap bad sngewpher haka met ka phad.
