Shillong, Naitung 
01: Ka State Bank jong ka Ri India mynta ka sngi kala kynjoh sha ka 62 snem ban rakhe ia kane ka sngi kala pynlong ia ka jingsam dawai ei ha ka shnong Kynshi kaba hap hapoh jong ka West Khasi Hills District.
Ia kane ka jingsamdawai ei la plied a u Deputy General Manager ka Shillong u Rajeev Arora bad ha ka jingkren ka jong u la ong ba kane ka long kum ka dak jong ka jingianoh synianglang sha ki 12 tylli ki shnong kiba don sawdong jong kane ka shong Kynshi. Baroh kiba la poi ban shim dawai ki long palat ia ka 500 ngut ki briew kila wan ban wan shim dawai.
Ha kane ka sngi na ka liang jong ka bank kala noh jingiarap ruh da ki tiar kiba don kam da ki blanket sha ka iing sah jong ki khun swet kaba don ha Langkyrding “God’s Dream House” ha kaba baroh ki khynnah kiba don ha kane ka jaka ki long 41 ngut.
Ka Bank kala pynlong ruh ia ka jingai burom ia ki samla pule kiba pass bha ha ka eksam kaba la pynlong da ka MBOSE bad ka NEHU, ha Nongmynsong, ia kane la leh da ka DGAR branch jong ka SBI, katba ha Tura na ka liang jong ka SBI kala sam da ki filter dih um sha ki samla kiba sah hapoh jong ka NEHU Campus ha Tura.
