Shillong, Naiwieng 19: Ka shnat pule ba dei ia ka “Microbiology” jong ka Shillong College kala pynlong ia ka jingiamir jingmut lyngba ka jingiakren online mynta ka sngi bad ka phang ka long ki lat iohkam da kaba pule ia ka sobjek Microbiology.
Ha kane ka jingiakren ki nongkren kiba kongsan ka long ka Srividya D. N, ka scientist ha ka jaka pule ka Gangagen Biotechnologies private limited, Bangalore ha kaba la ia kren bad ki samla pule kane ka college halor ka subjek Microbiology.
Ha kane ka jingiakren la pynshai ba hapoh kane ka sobjek ki don ki shnat pule kum ka virology, mycology, parasitology bad bacteriology. Ha kane ka jingiamir jingmut la pynshai ba ki don shibun ki kam lada pyndon kam bha.
Kane ka jingpule kan iarap ruh ban ioh rung ha kiwei ki kam pule kum ka, ki Dawai, pharmacy, jaka pymih dud, ki kartkhana, ki jaka watbniah ha ka khuid ka suba, ki karkhana um, kam rep, kan shna sboh dawai bad nanotechnology.
Ia kane lah ban leh da ka jingdon ia ka jingsngewthuh ha kaba ia dei bad ki kynja b aim bad kumba ka long mynta ka don ka jingdawa kaba khraw ia ki samla pule kiba pule ia ka microbiology la ka long ha India bad ha ka pyrthei ruh baroh kawei, na ka liang ki samla pule ruh kila buh shibun ki jingkylli kiba shongnia.
