Pynlong ka SHTC ia ka drama sha phang ka ka jingim u Phadar Vendrame ha Malwai

Shillong, Risaw 22:  Ia ka musical drama conDrama Sacred Hearth.cert sha phang ka history jong ka jingim jong u Phadar Constantine Vendrame, u ba dei u wei na ki Salesian Missionary ha poh North East India. Ia kane ka drama  la pyni lai sngi naduh ka 19 tarik bad la pynkut mynta ka sngi ha Sacred Heart Theological College (SHTC) Mawlai.

Kum ba 1500 eiei ki briew ki la wan ban peit kai ia kane ka musical drama, ia kaba la don lang  u Phadar Marius Thongnibah Parish Priest jong Mawlai parish, u Bah  Sylvester Kurbah Rangbah Shnong Mawlai Phudmuri bad Bah R.V.Lyngdoh myntri ba dei peit ia ki kam pynroi sor jong ka jylla Meghalaya uba la long ruh u kongsan ha kine ki sngi.

“U la long uwei na ki mishonari ba khraw ba u Blei u la phah kyrpang sha kane ka bynta jong ka ri jong ngi. Ngin ym lah ban tip shi bun shaphang jong u tang ha kine ki khyndiat por. Ki briew kane ka juk mynta kim da tip bha sha phang u ne u radbah mishonari, hynrei ngi kyrmen ba lyngba kane ka jimgialehkai drama ba lynkot ngin ioh lad ban tip ei ei sha phang u ne u briew jong u Blei,” ong u Bah R.V. Lyngdoh.

Iaka drama bad sur jingtem jong kane ka drama la thoh da u Dr. Barnes Mawrie u badei u President jong ka College bad kane ka drama ka la wan rah jingim biang ia ka jingim jong u ne u PhadarVendrame uba dei u Missionary na Italy, u ba wan iuhkjat hangne ha shillong ha u snem 1924. La tip ia u kum u Apostle jong ki Khasi bad u dei u wei na ki radbah jong ka balang Khatolik la wan rah ia ka jingngeit hang ne ha Shillong. Ia kane ka drama la pyniphuh iphiang shuh shuh lyngba ka jingialam jong u Bro. Jomon u ba long kum u director jong ka drama.

U director jong kane ka drama u pynpaw kumne, “Ka dei ka jingkmen kaba khraw ia nga ban ioh pyniaid bad pyni paidbah ia kane ka drama shaphang ka jingim jong u ne u mishonari bakhraw, u ba ki briew ki iaroh bad ki kynmaw ieid bha, khamtam ha ki jaka kiba u la trei bad ialap.”

Ha ka sngi ba ar jong ka drama u Bah Sylvester Kurbah, Rangbah Shnong jong Mawlai Phudmuri, u la iaroh ia u Phadar Vendrame ia ki kam ba bha ba u la pynneh pynsah ha ka ri Khasi ba ieid kham tam ia ka kam mynsiem bad ia ka jingnang jingstad. U la ong ruh ba u PhadarVendrame u la tei ia ka ing mane kab arit ha Mawlai bad mynta pat ka la kylla long ka Shrine ba la ainam Sacred Heart Shrine.

Ha kaba khatduh u la ong shuh shuh ba dei ban duwai na ka bynta jong u kham tam ba un long u riewkhuid namar mynta ka jingthmu ban pynlong riewkhuid ka dang iaid sha khmat. U la ieh ia ka ing ka sem naka bynta ka jingbha jong ki khunKhasi. Ka SHTC ka jupyn long kum kine ki concert ha man ka shisien ar snem bad ka concert ka ban sa long biang ka dei ha u snem 2019.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet