Tura, Risaw 13: Kum ka jingpyrshang ban wanrah ia ka jingsngewthuh sha ki paidbah kumno ban pynneh pynsah ia ka mei mariang na ka bynta ka jingmyntoi ha ki por ki ban sa wan, ka shnat jong ka skul bah ICFAI kaba don ha Tura kala pynlong ia ka jingiatyrko halor ka phang ‘ka jingkylla ka mariang’.
Kane ka jingiatyrko ka long ka sien kaba nyngkong ia kaba la pynlong da katei ka skul bah ia kaba la tip kum ka “1st Inter College Quiz Competition 2018” ia kaba la pynlong ha ka sngi Thohdieng. Baroh ki kolej kiba don ha Tura hynniew tylli kila ia shim bynta ha kane ka jigniakop.
Ha kane ka jingiakop ka Tura United Christian Academy kala long ka nongjop bad ka Tura Christian Girl’s Higher Secondary School kala wan ba ar ha kane ka jingiakop. Ka Viola Sonachi B. Sangma, ka nongpeit ia ka ICFAI University Meghalaya, Tura. Kala ong ba la pynlong khnang ia kane ban pynsngewthuh ha ki samla pule ia ka jingdon kam ban pynneh ia ka mariang.
