Shillong, Iaiong 04: ka tnad ka koit ka khiah jong ka sorkar jylla mynta ka sngi kala pynlong ia ka “Mock Drill” ha Diocesan Pastoral centre Tura ia kaba la buh kum ka Corona Care centre ha Tura.
U Dikki D Shira MCS OSD West Garo Hills ba dei peit Corona care centre ba dei peit ia ka Corona Care Centre ha garo Hills, u la ong ba kane ka jingpynlong ia ka Mock Drill naduh ki nongpynkhuid haduh ki doktor ka long ban hikai kumno ban leh lada ka jingpang COVID-19 kan jia ha kane ka jylla.
Kane ka Mock Drill kaba ki la pynlong ka long ban sngewthuh haei ki don ka jingduna na ka liang jong ka tnad ka koit ka khiah bad ba kin dang lah ban pynbha shuh shuh ha ki bynta ba ki shem ka don ka jingduna. Kuma ka long mynta baroh ki briew kiba ia dei bad kane kakam.
Ka Dr Ivonne M Sangma District material Health officer Corona Care Centre, ka la ong ba kane ka jingdon ia ka Corona Care Centre ka dang dei kaba thymmai ha ka jingtrei kam dei na kane ka daw ba la pynlong ia ka Mock Drill ban hikai kumno ban leh lada don kiba pang ba shitom.
Lada don kano kano ka jingshitom kaba kham jur kumno ban leh ban phah ia kiba shitom sha Tura Civil Hispital Tura namar ha katei ka jaka ki don ia ki Ventilators. Kane ka dei kaba thymmai kaba ki dang hap ban tip shuh shuh.
