Pynlong ka tnad rep ka sorkar pdeng ia ka jingiathir ia ka rep Palm Oil ha Guwahati

The Union Minister for Agriculture and Farmers Welfare, Shri Narendra Singh Tomar and the Union Minister for Culture, Tourism and Development of North Eastern Region (DoNER), Shri G. Kishan Reddy watering the oil palm plant to inaugurate the Business Summit on ‘National Mission on Edible Oils – Oil Palm for North Eastern States’, in Guwahati on October 05, 2021.
The Minister of State for Development of North Eastern Region and Cooperation, Shri B.L. Verma, the Minister of State for Agriculture and Farmers Welfare, Shri Kailash Choudhary, the Minister of State for Agriculture and Farmers Welfare, Sushri Shobha Karandlaje are also seen.

Shillong, Risaw 05: Ia ka “National Mission on Edible Oil- Oil Palm Business Summit” la pynlong mynta ka sngi  na ka bynta ki jylla ka thain shatei lam mihngi  ha kaba la pynlong ha  Guwahati.

Da kaba kynmaw ia ka jingthmu jong u Myntri Rangbah Duh jong ka Ri, u NarendraModi ban wanrah ia ka roi ka par kaba ryntih sha ka thain shatei lam mihngi.

Kane ka jingialang ka la sdang hapoh ka jingpyniaid jong u Myntri Sorkar Pdeng ba dei khmih ia ka that ka rep ka riang, u Narendra Singh Tomar ha kaba la ai um shuwa ia u jingthung oil palm bad ka jingpyni ia ka phlim halor ka rukom thung ia une u jingthung.

U Myntri Sorkar Pdeng ba dei khmih ia ka that ka rep ka riang, u Narendra Singh Tomar u la ong ba ka Sorkar ka la shim ia ka rai ban kyntiew ia ka jingthung ia u oil palm ha ka thain shateilammihngi bad ba kane kan sa pynkylla ia kane ka thain sha ka tyllong jong ki kam oil palm jong ka ri.

U Myntri u la ban jur halor ka jingpeit ia ka jingkyntiew ia une u jingthung bad u la kular ba kan don ka jingbei tyngka ban seng ia ki jaka pynmih symbai, ki lad ai um, ki jingkyrshan teknikal, ka jingseng ia ki jaka tylliat, ki jaka die jaka thied bad ka jingai jinghikai ia ki nongrep.

Ka song tyngka ba kyrpang na ka bynta ki jylla ka thain kan pynkylla ia ka ioh ka kot bad ka imlang sahlang jong ki nongrep bad kan plié lad ioh kam ha ki jaka tylliat oil palm ha ryngkat ka jingkyntiew ia ki jingdon jingem, la ong u Myntri.

U Myntri u la pyntip ruh ba la pynlong ia kane ka jingialang da ka jingthmu ban wad ia ki jaka ba lah ban pynheh ia ki kam rep, ki jingdonkam symbai ha ki jylla bapher bapher, ka jingwad jingtip halor ka jingdonkam pisa, ki kam bad ki jingiarap hapoh kane ka mission.

U Tomar u la iathuh ba kane ka mission ia kaba la buh lypa T 11040 klurkan wanrah sa 6.5 lak hectare hapoh ka jingthung oil palm ha kane 3.28 lak hectare kan don ha ka thain shateilammihngi bad 3.22 hectare kan don ha kiwei kiwei ki bynta jong ka ri ha kine ki 5 snem ban wan.

U Myntri u la ai ka jingsngewnguhia ka Sorkar Assam kaba la ai jingkyrshan bad u la ong ba kane ka skhim ba thymmai kan plié lad ia ka jinglahpyndap hi ia ka jingdonkam ki umphniang ban bad kan ialam ia ka India sha ka Aatmarnirbharta.

U la ong ba ka Sorkar ka la kut jingmut ban ai jingiada ia ki nongrep oil palm lyngba ka jingpynthikna ia ka dor bad u ba u la sngew kmen bha ba la don bun kiba iashim bynta ha kane ka jingialang.

U la ong ba kum kane ka jingiakrenkanpynstet ia ka jingpyntreikam ia ka NMEO-Oil Palm. U Tomar u la kular ba hapoh kane ka Mission, ki nongrep oil palm kin ioh lut ki jingkyrshan ba ki donkam.

U Myntri Sorkar Pdeng ba dei khmih ia ka tnat DoNER, u G Kishan Reddy u la ai jingiaroh ia ka jingthmu jong ka Sorkar India kaba la wanrah ia ka skhim Edible Palm Oil kaba biang bha ha kaba ki nongrep kin ioh shibun ki jingmyntoi bad ha kaba ka roi ka par kan wan sha ka thain.

U Myntri DoNER u la ong ba ka Sorkar Modi ka la kut jingmut ban kyntiew ia ka kam thung oil palm bad u la kyntu ia ki nongbei tyngka bad ki kompani ba kin theh pisa ha ka thain shateilammihngi kaba don shibun ki lad ha ki kam ka rep ka riang, khamtam ha ka kam oil palm.

U Secretary ka tnat ka rep ka riang, u Sanjay Agarwal u la batai bniah ia ka jingthmu jong ka Sorkar bad u Secretary DARE, u Dr. T. Mohapatra u la batai shaphang ka jingwad bniah bad ka jingkyntiew ia kane ka mission.

Ka ShubhaThakur, Joint Secretary ka la batai shaphang kane ka mission. Ka la batai ruh shaphang ka jingbei tyngka bad ai jingkular ba ki nongrep kin ioh ia ka dor kaba biang.

La sam ia ki syrnot na ka bynta ki FPO ba la saindur da ka NABARD bad la iasoi ruh ia ka MOU bad ka ABPRL bad ka Numaligarh Refinery ban wanrah ia ka bio refinery kaba nyngkong eh kaba kum kane ha India ban pynmih ia ka bio ethanol ba lah ban pynthymmai.

Ha kane ka Summit, la pyllait ia ki kot ba la ai kyrteng “Glimpses of NMEO-Oil Palm in NE States” da ka Oilseeds Division, DA&FW bad ka “Improved Management Practices of the Oil Palm Cultivation in NE States” da ka ICAR-IIOPR and Assessment Report.

U Myntri Rangbah jong ka jylla Arunachal Pradesh, uPemaKhandu, ha ka jingai jingkren jong u, u la ong ba ka por ka la dei ia ki nongbei tyngka ban wan bad ban bei tyngka ha ka thain shateilammihngi ban kyntiew ia ki kam rep.

U mytnri la ong ba dei ban shim kabu ia ka jinglong seisoh ka khyndew bad ka suinbneng. Ka Palm oil ka long kaba kongsan bha bad da ka jingrep ia ka kan ban plié ki lad kamaijakpoh na ka bynta ki nongrep ha ka thain shateilammihngi, u la ong.

U Myntri ba dei peit ia ka tnat ka rep ka riang, Sorkar Assam, u Atul Bora u la pyntip ba mynta kinongrep ha ki artylli ki district jong ka Assam- ka Goalpara bad Kamrup- ki la sdang ia ka kam rep oil palm bad ka don ruh ka jingthmu ban kynthup 1500 hectare ki jaka sa ha ki 17 tylli ki district hapoh ka jingreppalm oil.

U Myntri Khynnah jong ka Sorkar Pdeng ba dei peit ia ka tnat ka rep ka riang, u Sri KailashChoudharybad u SushriSobhaKarandlaje, Myntri Khynnah ba dei peit ia ka tnat DoNERu B. L. Vermabad u Myntri Rangbah jong ka Arunachal Pradesh uPemaKhanduki la iadonlang ha kane ka National Summit.

U Myntri ka tnat ka rep ka riang jong ka jylla Sikkim, u Loknath Sharma, u Chief Secretary, sorkar Assam uJishnuBarua, Chief Secretary, Sorkar Arunachal Pradesh uNaresh Kumar, ki Principal Secretary jong ki jylla, ka Shubha Thakur, Joint Secretary GoIbad kiwei kiwei ki hehophisar jong ki Sorkar jylla.

Kiba la ia don lang ki long ki heh ophisar na ka Tnat ka rep ka riang, Sorkar India, NITI Ayog, ki ICAR institution, MEA, ki Vice Chancellor, ki ophisar na ka SBI bad Indian Tea Association, ki karkhana shna oil palm ba hakhmat duh, ki nongrep bad ki nongbei tyngka ba iadei bad ki kam rep- khaii pateng ki la iadonlang ha kane ka summit.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet